തെലങ്കാന സമരനായകനും സിപിഐ എമ്മിന്റെ ആദ്യ ജനറല്‍ സെക്രട്ടറിയുമായ പി സുന്ദരയ്യയുടെ ജന്മശതാബ്ദി ആഘോഷങ്ങളുടെ ഭാഗമായി എ കെ ജി പഠന ഗവേഷണകേന്ദ്രം സംഘടിപ്പിക്കുന്ന സെമിനാര്‍ ബുധനാഴ്ച നടക്കും. എ കെ ജി ഹാളില്‍ രാവിലെ 10ന് സിപിഐ എം ജനറല്‍ സെക്രട്ടറി പ്രകാശ് കാരാട്ട് ഉദ്ഘാടനം ചെയ്യും. സിപിഐ എം സംസ്ഥാന സെക്രട്ടറി പിണറായി വിജയന്‍ അധ്യക്ഷനാകും.
1200 പ്രതിനിധികള്‍ സെമിനാറില്‍ പങ്കെടുക്കും. "വിപ്ലവാവേശം സുന്ദരയ്യയുടെ മഹത്വം" എന്ന വിഷയത്തില്‍ സിപിഐ എം പൊളിറ്റ് ബ്യൂറോ അംഗവും ആന്ധ്രപ്രദേശ് സംസ്ഥാന സെക്രട്ടറിയുമായ ബി വി രാഘവലു പ്രബന്ധം അവതരിപ്പിക്കും. "ഇടത്-വലത് വ്യതിയാനങ്ങളും പി സുന്ദരയ്യയും" എന്ന വിഷയത്തില്‍ പിബി അംഗം കോടിയേരി ബാലകൃഷ്ണനും "സുന്ദരയ്യയും കര്‍ഷകപ്രസ്ഥാനങ്ങളും" എന്ന വിഷയത്തെ ആധാരമാക്കി പ്രതിപക്ഷനേതാവ് വി എസ് അച്യുതാനന്ദനും സംസാരിക്കും. പകല്‍ 2.30ന് രണ്ടാം സെഷനില്‍ പാര്‍ടി കേന്ദ്രകമ്മിറ്റി അംഗം പി കെ ശ്രീമതി അധ്യക്ഷയാകും. "പി സുന്ദരയ്യയും യുവജന-വിദ്യാര്‍ഥി പ്രസ്ഥാനങ്ങളും" എന്ന വിഷയത്തില്‍ പിബി അംഗം എം എ ബേബിയും "ഇന്ത്യയിലെ കാര്‍ഷിക ബന്ധങ്ങളുടെ ഇന്നത്തെ അവസ്ഥ"യെ സംബന്ധിച്ച് കൊല്‍ക്കത്ത ഇന്ത്യന്‍ സ്റ്റാറ്റിസ്റ്റിക്കല്‍ ഇന്‍സ്റ്റിറ്റ്യൂട്ടിലെ ഡോ. വി കെ രാമചന്ദ്രനും പ്രബന്ധം അവതരിപ്പിക്കും. തുടര്‍ന്ന് ചര്‍ച്ച നടക്കുമെന്ന് പി സുന്ദരയ്യ ജന്മശതാബ്ദി സെമിനാര്‍ സംഘാടക സമിതി ജനറല്‍ കണ്‍വീനര്‍ ടി എം തോമസ് ഐസക് അറിയിച്ചു.
deshabhimani 050912
No comments:
Post a Comment