ബുധനാഴ്ച തെരഞ്ഞെടുപ്പ് പ്രഖ്യാപിക്കുന്നതിന് തൊട്ടുമുമ്പ് മന്ത്രിസഭായോഗം ചേരുകയും തുടര്‍ന്ന് വോട്ടര്‍മാരെ സ്വാധീനിക്കാന്‍ നിരവധി വാഗ്ദാനങ്ങള്‍ വാര്‍ത്താസമ്മേളനത്തില്‍ മുഖ്യമന്ത്രി പ്രഖ്യാപിക്കുകയും ചെയ്തു. ഇത് പെരുമാറ്റച്ചട്ടത്തിന്റെ നഗ്നമായ ലംഘനമാണെന്ന് വ്യാപക വിമര്‍ശം ഉയര്‍ന്നിട്ടുണ്ട്. തിരുവനന്തപുരത്ത് കേന്ദ്രമന്ത്രി ശശി തരൂര്‍ സ്വയം സ്ഥാനാര്‍ഥിത്വം പ്രഖ്യാപിച്ച് ലക്ഷങ്ങള്‍ പൊടിച്ച് നടത്തുന്ന പ്രചാരണം തെരഞ്ഞെടുപ്പുചെലവില്‍ ഉള്‍പ്പെടുത്തണമെന്നും യോഗത്തില്‍ ആവശ്യം ഉയര്‍ന്നു. തമ്പാനൂര്‍ രവി (കോണ്‍ഗ്രസ്), കെ പി രാജേന്ദ്രന്‍, പ്രകാശ് ബാബു (സിപിഐ), പത്മകുമാര്‍ (ബിജെപി) തുടങ്ങിയവര്‍ യോഗത്തില്‍ പങ്കെടുത്തു. ലോക്സഭാ തെരഞ്ഞെടുപ്പ് സുഗമമായി നടത്തുന്നതിനും നടപടിക്രമങ്ങള്‍ വിശദീകരിക്കുന്നതിനുമാണ് മുഖ്യ തെരഞ്ഞെടുപ്പ് ഓഫീസര്‍ യോഗം വിളിച്ചത്.
deshabhimani
No comments:
Post a Comment