സുനന്ദയുടെ ആന്തരികാവയവങ്ങള്‍ ഡല്‍ഹി പൊലീസ് ഫോറന്‍സിക് പരിശോധനയ്ക്ക് അയച്ചിരുന്നു. ഫോറന്‍സിക് റിപ്പോര്‍ട്ട് ഇനിയും ലഭ്യമാകാത്ത സാഹചര്യത്തിലാണ് അന്വേഷണം നീളുന്നത്. ഈ റിപ്പോര്‍ട്ടുകൂടി കിട്ടിയാല്‍ കേസ് തരൂരിന് അനുകൂലമായി അവസാനിപ്പിക്കാന്‍ പൊലീസ് ഒരുക്കവുമാണ്. എന്നാല്‍,റിപ്പോര്‍ട്ട് നീണ്ടുപോവുകയും തെരഞ്ഞെടുപ്പ് പ്രഖ്യാപിക്കുകയും ചെയ്താല്‍ പൊലീസ് നിലപാട് മാറുമോയെന്ന ആശങ്കയാണ് തരൂരിനുള്ളത്.
സുനന്ദയുടെ മരണത്തില്‍ ബന്ധുക്കള്‍ക്കൊന്നും പരാതിയില്ലെന്ന ന്യായമാണ് ഡല്‍ഹി പൊലീസ് മുന്നോട്ടുവയ്ക്കുന്നത്. എന്നാല്‍, സുനന്ദയുടെ ശരീരത്തിലെ മുറിവുകളെക്കുറിച്ചോ കുത്തിവയ്പിന്റെ പാടിനെക്കുറിച്ചോ അന്വേഷണത്തിന് പൊലീസ് തയ്യാറായിട്ടില്ല. പ്രാഥമികറിപ്പോര്‍ട്ട് തയ്യാറാക്കി സബ്ഡിവിഷണല്‍ മജിസ്ട്രേട്ട് മൊഴിയെടുത്തതല്ലാതെ തരൂരിനെ ചോദ്യംചെയ്യാന്‍പോലും പൊലീസ് തയ്യാറായിട്ടില്ല. കേസന്വേഷണം ക്രൈംബ്രാഞ്ചിനാണ് ആദ്യം വിട്ടിരുന്നതെങ്കിലും അവര്‍ ഏറ്റെടുക്കാന്‍ തയ്യാറായില്ല. ഐപിഎസ്തലത്തില്‍ നടക്കേണ്ടിയിരുന്ന അന്വേഷണം ബോധപൂര്‍വം അട്ടിമറിക്കുകയായിരുന്നു. ഉന്നതങ്ങളില്‍നിന്ന് സമ്മര്‍ദമുണ്ടായെന്ന കാരണമാണ് കേസ് ഫയല്‍ മടക്കാന്‍ ക്രൈംബ്രാഞ്ച് ന്യായമാക്കിയത്.
deshabhimani
No comments:
Post a Comment