മുഖ്യമന്ത്രിയുടെ മുന്‍ ഗണ്‍മാന്‍ പൊലീസുകാരുടെ ക്രിമിനല്‍ പ്രതിപട്ടികയില്‍ നിന്ന് ഒഴിവാക്കപ്പെട്ടത് അത്ഭുതകരമാണെന്ന് സിപിഐ എം സംസ്ഥാന സെക്രട്ടറി പിണറായി വിജയന്‍ പറഞ്ഞു. തെരഞ്ഞെടുപ്പിന് രണ്ട് ദിവസം മുമ്പ് സലീംരാജിന് പൊലീസ് മെഡല്‍ ലഭിച്ചുവെന്ന വാര്‍ത്തയും കേള്‍ക്കേണ്ടി വരുമെന്ന് പ്രതിപക്ഷനേതാവ് വി എസ് അച്യുതാനന്ദന്‍ പ്രതികരിച്ചു. ക്രിമിനല്‍കേസ് പ്രതിയായിട്ടും ആഭ്യന്തരവകുപ്പ് പുറത്തിറിക്കിയ പൊലീസുകാരുടെ പ്രതിപട്ടികയില്‍ സലീം രാജ് ഉള്‍പ്പെടാതിരുന്നതിനോട് പ്രതികരിക്കുകയായിരുന്നു ഇരുവരും. ഉണ്ണിത്താന്‍ വധശ്രമക്കേസിലെ പ്രതികളായ ഡിവൈഎസ്പിമാരേയും പ്രതിപട്ടികയില്‍നിന്ന് ഒഴിവാക്കിയിട്ടുണ്ട്.
മുഖ്യമന്ത്രിയുടെ മുന്‍ ഗണ്‍മാന്‍ സലിംരാജിനെ ഒഴിവാക്കി പൊലീസ് സേനയിലെ ക്രിമിനല്‍ കേസ് പ്രതികളുടെ പട്ടിക വന്നത് അത്ഭുതകരമാണ്. ഇത്തരം കുറ്റവാളികള്‍ വാഴുന്ന ഭരണമാണ് ഉമ്മന്‍ചാണ്ടി നയിക്കുന്നത്.പെറ്റി കേസുകളില്‍ ഉള്‍പ്പെട്ട ഉദ്യോഗസ്ഥരെ പോലും ഉള്‍പ്പെടുത്തിയ ലിസ്റ്റില്‍ നിന്ന് സലിം രാജിനെ ഒഴിവാക്കിയത്തിന്റെ ന്യായീകരണം ആഭ്യന്തരവകുപ്പ് പറഞ്ഞേ തീരൂവെന്നും പിണറായി പ്രതികരിച്ചു.
എന്നാല്‍ സലീം രാജിനെ എങ്ങിനെയാണ് ക്ലീന്‍ ചിറ്റ് ലഭിച്ചതെന്ന് തനിക്കറിയില്ലെന്ന് ആഭ്യന്തരമന്ത്രി രമേശ് ചെന്നിത്തല പറഞ്ഞു.
deshabhimani
No comments:
Post a Comment