വിവാദമായ ഇ-മെയില്‍ വിലാസം ചോര്‍ത്തല്‍ കേസിലെ മുഖ്യപ്രതി എസ്ഐ ബിജു സലിമിനെ സര്‍വീസില്‍ നിന്ന് പിരിച്ചുവിടുന്നു. പിരിച്ച് വിടാതിരിക്കുന്നതിനുള്ള കാരണം കാണിക്കണമെന്നാവശ്യപ്പെട്ട് ഡിജിപി ബിജു സലിമിന് നോട്ടീസ് നല്‍കി.
സര്‍ക്കാരിന്റെ രഹസ്യരേഖകളിലെ 268 ഇമെയില്‍ വിലാസങ്ങളുടെ പട്ടിക ചോര്‍ത്തി വ്യാജരേഖയുണ്ടാക്കിയെന്ന കേസിലെ പ്രധാന പ്രതിയാണ് ബിജു സലിം. കേസില്‍ കഴിഞ്ഞ ദിവസം െ്രകെംബ്രാഞ്ച് കുറ്റപത്രം സമര്‍പ്പിച്ചതിനെ തുടര്‍ന്നാണ് ഈ നടപടി.
2011-ല്‍ ഇ-മെയില്‍ വിലാസങ്ങള്‍ ബിജു മറ്റൊരാള്‍ക്ക് കൈമാറിയിരുന്നു. പിന്നീട് ഒരു പ്രത്യേക മതവിഭാഗത്തില്‍പെട്ടവരുടെ ഇ-മെയില്‍ സന്ദേശങ്ങള്‍ സര്‍ക്കാര്‍ ചോര്‍ത്തുന്നു എന്ന് ഒരു വാരികയില്‍ വാര്‍ത്ത പുറത്തുവന്നതോടെയാണ് വിവാദങ്ങള്‍ക്കു ചുടുപിടിച്ചത്. ഇ-മെയില്‍ ചോര്‍ത്തലുമായി ബന്ധപ്പെട്ട് കേസ് കോടതിയില്‍ നടന്നുവരികയാണ്.
deshabhimani
No comments:
Post a Comment