രാജ്യത്തെ ആദ്യ പ്രതിപക്ഷ നേതാവ് എ കെ ജിയെ വിജയിപ്പിച്ച മണ്ഡലമാണ് കണ്ണൂര്. "51ലെ ഒന്നാം ലോക്സഭാ തെരഞ്ഞെടുപ്പില് കെപിസിസി പ്രസിഡന്റ് സി കെ ഗോവിന്ദന്നായരെ എ കെ ജി തറപറ്റിച്ചത് 87,027 വോട്ടിന്റെ ഭൂരിപക്ഷത്തിലാണ്. എ കെ ജിയുടെ ഭൂരിപക്ഷത്തിലും കുറവായിരുന്നു സി കെ ഗോവിന്ദന്നായര്ക്ക് ലഭിച്ച വോട്ട്. "57ലെ പുനര്നിര്ണയത്തിന്റെ ഫലമായി മണ്ഡലം തലശേരിയുടെ ഭാഗമായി. 1977ലാണ് വീണ്ടും കണ്ണൂര് മണ്ഡലം രൂപപ്പെടുന്നത്. പിന്നീട് ഏഴുതവണ യുഡിഎഫിനെയും മൂന്നുതവണ എല്ഡിഎഫിനെയും തുണച്ചു. ഇരിക്കൂര്, പേരാവൂര്, അഴീക്കോട്, കണ്ണൂര്, ധര്മടം, തളിപ്പറമ്പ്, മട്ടന്നൂര് നിയമസഭാ മണ്ഡലങ്ങളാണ് കണ്ണൂര് പാര്ലമെന്റ് മണ്ഡലത്തിലുള്പ്പെടുന്നത്. 2009ല് കോണ്ഗ്രസിലെ കെ സുധാകരന് 4,32,878 വോട്ടും സിപിഐ എമ്മിലെ രാഗേഷിന് 3,89,727 വോട്ടുമാണ് ലഭിച്ചത്. ഭൂരിപക്ഷം 43,151. ബിജെപി 27,123 വോട്ട് നേടി. യുഡിഎഫുമായി കച്ചവടം നടത്തിയതിനാലാണ് ബിജെപി വോട്ട് ഇടിഞ്ഞത്. മുന് ജില്ലാപ്രസിഡന്റ് ഒ കെ വാസുവും നൂറുകണക്കിനു പ്രവര്ത്തകരും സിപിഐ എമ്മിലേക്ക് വന്നത് എല്ഡിഎഫിന് അനുകൂലമാണ്. 2011ലെ നിയമസഭാ തെരഞ്ഞെടുപ്പില് യുഡിഎഫിന് കനത്ത തിരിച്ചടി നേരിട്ടു. ഏഴു നിയമസഭാ മണ്ഡലത്തിലായി 51,402 വോട്ടിന്റെ ഭൂരിപക്ഷം എല്ഡിഎഫിനുണ്ട്. ഇത്തവണ മണ്ഡലത്തില് 11,66,721 വോട്ടര്മാരാണ് വിധിയെഴുതുക. 2009ല് 10,57,658 വോട്ടര്മാരാണുണ്ടായിരുന്നത്.
deshabhimani
No comments:
Post a Comment