Wednesday, February 13, 2013
സമരത്തിനിറങ്ങാത്ത കെഎസ്യു വിദ്യാര്‍ഥികള്‍ക്ക് പൊലീസിന്റെ അസഭ്യവര്‍ഷം
പത്തനാപുരം: പൊലീസ് സഹായത്തോടെ കെഎസ്യു പ്രവര്‍ത്തകര്‍ സെന്റ സ്റ്റീഫന്‍സ് കോളേജില്‍ സമരം നടത്തി. വിദ്യാര്‍ഥികളെ ക്ലാസില്‍നിന്ന് ഇറക്കി വിടാനായിരുന്നു പൊലീസ് കൂട്ട്. ക്ലാസില്‍നിന്ന് ഇറങ്ങാത്ത കുട്ടികളെ പൊലീസ് അസഭ്യം പറഞ്ഞു.
പത്തനാപുരം സെന്റ് സ്റ്റീഫന്‍സ് കോളേജില്‍ ചൊവ്വാഴ്ച പകല്‍ 11ഓടെയാണ് സംഭവം. കെഎസ്യു-എബിവിപി പ്രവര്‍ത്തകര്‍ തമ്മില്‍ കഴിഞ്ഞ ദിവസം കോളേജില്‍ സംഘട്ടനം നടന്നിരുന്നു. തുടര്‍ന്ന് കെഎസ്യു പ്രവര്‍ത്തകര്‍ ഒളിവിലായി. ചൊവ്വാഴ്ച കെഎസ്യു പത്തനാപുരം മണ്ഡലത്തില്‍ പഠിപ്പ്മുടക്ക് പ്രഖ്യാപിച്ചിരുന്നു. പഠിപ്പ് മുടക്കാന്‍ കെഎസ്യു പ്രവര്‍ത്തകള്‍ ക്യാമ്പസില്‍വന്നാല്‍ എബിവിപിക്കാര്‍ മര്‍ദിക്കുമെന്നായതിനെ ത്തുടര്‍ന്ന് പൊലീസ് അകമ്പടിയോടെയാണ് പഠിപ്പ് മുടക്കാന്‍ ക്യാമ്പസില്‍ എത്തിയത്. പൊലീസ് ജീപ്പ് മുന്നിലും കെഎസ്യുക്കാര്‍ വാഹനത്തിന് പുറകിലുമായി കോളേജിലെത്തി. തുടര്‍ന്ന് കുട്ടികളെ ക്ലാസില്‍നിന്ന് ഇറക്കിവിടാന്‍ പൊലീസുകാരും ഇവരോടൊപ്പം ക്ലാസില്‍ കയറി. കുട്ടികളെ പൊലീസ് അസഭ്യം പറഞ്ഞതില്‍ പ്രതിഷേധിച്ച് എസ്എഫ്ഐ കോളേജ് കവാടം ഉപരോധിച്ചു. തുടര്‍ന്ന് ഡിവൈഎസ്പി സ്ഥലത്തെത്തി അന്വേഷണത്തിന് നടപടിയെടുക്കാമെന്ന് പറഞ്ഞതിനെ തുടര്‍ന്ന് സമരം അവസാനിപ്പിച്ചു.
deshabhimani 130213
Subscribe to:
Post Comments (Atom)
No comments:
Post a Comment