Wednesday, February 20, 2013
അഴിമതി തടയാന്‍ എന്തു ചെയ്യണമെന്ന് അറിയില്ല: ആന്റണി
പ്രതിരോധമേഖലയിലെ അഴിമതി തടയാന്‍ എന്ത് ചെയ്യണമെന്ന് അറിയില്ലെന്ന് മന്ത്രി എ കെ ആന്റണി. പല നടപടിയും സ്വീകരിച്ചിട്ടും പ്രതിരോധമേഖലയിലെ അഴിമതി തടയാന്‍ കഴിഞ്ഞില്ല. അഴിമതി തടയുന്നതിന് ഇറക്കുമതി കുറയ്ക്കുമെന്നും മാനദണ്ഡങ്ങള്‍ കര്‍ശനമാക്കുമെന്നും കരസേനാ സെമിനാറില്‍ ആന്റണി പറഞ്ഞു.
ഹെലികോപ്റ്റര്‍ ഇടപാടുപോലുള്ള വിവാദങ്ങള്‍ ഒഴിവാക്കുന്നതിന് പറ്റിയ മാര്‍ഗം പ്രതിരോധ ആവശ്യങ്ങള്‍ക്കായുള്ള ആയുധങ്ങളുടെയും സാമഗ്രികളുടെയും തദ്ദേശവല്‍ക്കരണമാണ്. ഇത് സാധ്യമാക്കാന്‍ സായുധസേനകളും സര്‍ക്കാരും ഡിആര്‍ഡിഒയും പൊതു-സ്വകാര്യ വ്യവസായങ്ങളും യോജിച്ച് പ്രവര്‍ത്തിക്കണം. പ്രതിരോധ ഉല്‍പ്പാദനത്തിന്റെയും സംഭരണത്തിന്റെയും കാര്യത്തില്‍ സര്‍ക്കാരിനുള്ള നയങ്ങള്‍ പുനരവലോകനംചെയ്യും. വിവിധ പ്രവര്‍ത്തന ആവശ്യങ്ങള്‍ക്കായി ഇറക്കുമതിയെ ആശ്രയിക്കുന്ന മനോഭാവം സായുധസേനകള്‍ മാറ്റണം. ഓര്‍ഡിനന്‍സ് ഫാക്ടറി ബോര്‍ഡ് കുംഭകോണം വന്നപ്പോള്‍ ആറു കമ്പനിയെ കരിമ്പട്ടികയില്‍പെടുത്തി. ഇടനിലക്കാരന്‍ ജയിലിലായി. ഇതൊക്കെയായിട്ടും പാഠം പഠിക്കാത്തവരുണ്ടെന്നും ആന്റണി പറഞ്ഞു.
deshabhimani
Subscribe to:
Post Comments (Atom)
No comments:
Post a Comment