ബര്‍ഖാദത്ത്, രാഹുല്‍ പണ്ഡിറ്റ് തുടങ്ങിയ പ്രമുഖ മാധ്യമപ്രവര്‍ത്തകരും തൊഗാഡിയക്കെതിരെ രംഗത്തെത്തി. ""ആരെങ്കിലും പ്രവീണ്‍ തൊഗാഡിയയെ ഒഴിപ്പിച്ച് നാട്ടുകാര്‍ക്ക് ഉപകാരം ചെയ്യുമോ..?""- എന്ന് ബര്‍ഖാദത്ത് ട്വിറ്ററില്‍ കുറിച്ചു. തൊഗാഡിയയുടെ പ്രസംഗത്തില്‍ നിയമനടപടി സ്വീകരിച്ചില്ലെങ്കില്‍ മറ്റെന്തിന്റെ പേരില്‍ നടപടി കൈക്കൊള്ളുമെന്ന് രാഹുല്‍പണ്ഡിറ്റ് പ്രതികരിച്ചു. തൊഗാഡിയയെ ഉടന്‍ അറസ്റ്റ് ചെയ്യണമെന്ന് ആം ആദ്മി പാര്‍ടി ആവശ്യപ്പെട്ടു. തെരഞ്ഞെടുപ്പ് കമീഷന്‍ അടിയന്തരനടപടി സ്വീകരിക്കണമെന്നും ആം ആദ്മി ആവശ്യപ്പെട്ടു.
തൊഗാഡിയയുടെ വിഷലിപ്ത പ്രസംഗത്തിനെതിരെ രാജ്യത്ത് പ്രതിഷേധം വ്യാപകമായ സാഹചര്യത്തില്‍ പ്രസംഗത്തിന്റെ ടേപ്പ് പരിശോധിക്കുമെന്ന് ഇലക്ഷന്‍ കമ്മീഷന്‍ വ്യക്തമാക്കി. അതിനുശേഷം ആവശ്യമായ നടപടി സ്വീകരിക്കും. നരേന്ദ്രമോഡിയെ പിന്തുണയ്ക്കാത്തവര്‍ രാജ്യം വിട്ട് പാകിസ്ഥാനിലേക്ക് പോകേണ്ടിവരുമെന്ന് ബിഹാറിലെ ബിജെപി നേതാവ് ഗിരിരാജ് സിങ് പ്രസംഗിച്ചത് വന്‍വിവാദമായിരുന്നു. ഗിരിരാജ് സിങ്ങിന്റെ പ്രസംഗം ബിജെപിനേതൃത്വം തള്ളിയിരുന്നു. എന്നാല്‍, സിങ്ങിനു പിന്നാലെ വര്‍ഗീയ വിദ്വേഷം പ്രചരിപ്പിക്കുന്ന പ്രസംഗവുമായി വിഎച്ച്പിയുടെ മുതിര്‍ന്ന നേതാവ് രംഗത്തെത്തിയത് ബിജെപിയ്ക്ക് തലവേദനയായി.
deshabhimani
No comments:
Post a Comment