12 പിശകുകള്‍ ചൂണ്ടിക്കാട്ടി മലിനീകരണ നിയന്ത്രണ ബോര്‍ഡ് അംഗീകാരം നല്‍കാതിരുന്ന ടൈറ്റാനിയം മലിനീകരണ നിയന്ത്രണ സംവിധാനം ഏര്‍പ്പെടുത്താന്‍ മുഖ്യമന്ത്രി രാഷ്ട്രീയ ഇടപെടല്‍ നടത്തിയെന്ന് തോമസ് ഐസക്ക്. നിയമസഭയില്‍ ചൊവ്വാഴ്ച അടിയന്തരപ്രമേയ ചര്‍ച്ചയില്‍ വിഷയം അവതരിപ്പിച്ച് സംസാരിക്കുകയായിരുന്നു അദ്ദേഹം. കെ കെ രാമചന്ദ്രന്റെ കീഴില്‍നിന്ന് വകുപ്പ് എടുത്തുമാറ്റിയ ദിവസം തന്നെ പദ്ധതിയ്ക്ക് മലിനീകരണ നിയന്ത്രണ ബോര്‍ഡ് അംഗീകാരം നല്‍കിയത് അന്വേഷിക്കണം. 108 കോടിയുടെ ടെന്‍ഡര്‍ അംഗീകരിക്കാതെയാണ് 256 കോടിയുടെ പദ്ധതി അംഗീകരിച്ചത്.100 കോടിയുടെ അഴിമതി പദ്ധതിയില്‍ നടന്നു എന്നത് വ്യക്തമാണ്. മലിനീകരണ നിയന്ത്രണബോര്‍ഡ് അംഗീകാരം നല്‍കുന്നതിന് മുന്‍പ് മുഖ്യമന്ത്രി ഉമ്മന്‍ചാണ്ടി പദ്ധതിക്ക് തിടുക്കംകാട്ടി. അഴിമതിയില്‍ സിബിഐ അന്വേഷണം നടത്തണമെന്നാണ് എല്‍ഡിഎഫ് ആവശ്യപ്പെടുന്നത്. രാഷ്്ട്രീയ ഇടപെടലും ഗൂഢാലോചനയും കണക്കിലെടുത്ത് മുഖ്യമന്ത്രി രാജിവെക്കണമെന്നും ഐസക്ക് ആവശ്യപ്പെട്ടു.
ടൈറ്റാനിയത്തില്‍ സിബിഐ അന്വേഷണമില്ല; പ്രതിപക്ഷംവാക്കൗട്ട് നടത്തി
ടൈറ്റാനിയം അഴിമതിയെക്കുറിച്ച് സിബിഐ അന്വേഷണം നടത്തണമെന്ന ആവശ്യം അംഗീകരിക്കാത്തതില്‍ പ്രതിഷേധിച്ച് ചൊവ്വാഴ്ച പ്രതിപക്ഷം സഭവിട്ടു. സര്‍ക്കാരിന് 100 കോടി രൂപ നഷ്ടമുണ്ടാക്കിയ സംഭവത്തില്‍ പ്രതിപക്ഷമാണ് അടിയന്തിരപ്രമേയത്തിന് ചൊവ്വാഴ്ച രാവിലെ നോട്ടീസ് നല്‍കിയത്. നോട്ടീസ് നല്‍കിയ തോമസ് ഐസക്, എളമരം കരീം, വി ശിവന്‍കുട്ടി, എ എ അസീസ്, സി കെ നാണു, സികെ ശശീന്ദ്രന്‍ , വി എസ് സുനില്‍കുമാര്‍ എന്നിവര്‍ പ്രതിപക്ഷത്തുനിന്നും സംസാരിച്ചു. ടി എന്‍ പ്രതാപന്‍ , കെഎന്‍എ ഖാദര്‍ , പി സി ജോര്‍ജ്, പി സി വിഷ്ണുനാഥ് എന്നിവര്‍ സംസാരിച്ചു. രണ്ടുമണിക്കൂര്‍ ചര്‍ച്ച നടത്തിയശേഷമാണ് പ്രമേയം സഭ തള്ളിയത്.
ചര്‍ച്ച മാധ്യമങ്ങള്‍ തല്‍സമയം സപ്രേഷണം ചെയ്തു.ചര്‍ച്ചക്ക് മുഖ്യമന്ത്രി മറുപടി പറഞ്ഞു. സിബിഐ അനേഷ്വണം നടത്തില്ലെന്ന് മുഖ്യമന്ത്രി പറഞ്ഞു. പ്രതിപക്ഷം അഞ്ചുവര്‍ഷം ഭരിച്ചിട്ടും അന്വേഷണം നടത്തിയില്ല. രേഖകളെല്ലാം നേരത്തേ പുറത്തായിരുന്നു. കമ്പനി പൂട്ടുമെന്ന സാഹചര്യത്തിലാണ് കത്തയച്ചത്. തൊഴിലാളി സംഘടനകളെല്ലാം സമീപിച്ചതുകൊണ്ടാണ് കത്തയച്ചതെന്നും ഉത്തരവാദിത്വം ഏറ്റെടുക്കുന്നുവെന്നും മുഖ്യമന്ത്രി പറഞ്ഞു. മുഖ്യമന്ത്രി രാജിവെച്ച് സിബിഐ അന്വേഷണം നടത്തണമെന്ന ആവശ്യത്തില്‍ ഉറച്ചു നിന്ന പ്രതിപക്ഷം സഭവിട്ടശേഷം പ്രമേയം ശബ്ദവോട്ടോടെ സഭ തള്ളി.
deshabhimani news
12 പിശകുകള്‍ ചൂണ്ടിക്കാട്ടി മലിനീകരണ നിയന്ത്രണ ബോര്‍ഡ് അംഗീകാരം നല്‍കാതിരുന്ന ടൈറ്റാനിയം മലിനീകരണ നിയന്ത്രണ സംവിധാനം ഏര്‍പ്പെടുത്താന്‍ മുഖ്യമന്ത്രി രാഷ്ട്രീയ ഇടപെടല്‍ നടത്തിയെന്ന് തോമസ് ഐസക്ക്. നിയമസഭയില്‍ ചൊവ്വാഴ്ച അടിയന്തരപ്രമേയ ചര്‍ച്ചയില്‍ വിഷയം അവതരിപ്പിച്ച് സംസാരിക്കുകയായിരുന്നു അദ്ദേഹം.
ReplyDelete