ഇവിടെ സമരം നിര്ത്തിയതായി ജസീറ പ്രഖ്യാപിച്ചെങ്കിലും ഒരുവയസ്സും 10 മാസവുമായ ആണ്കുട്ടിയെ ഉള്പ്പെടെ മൂന്നു മക്കളെയും അമ്മയില്നിന്ന് തട്ടിമാറ്റി ശിശുക്ഷേമസമിതിക്കു കീഴിലെ ചില്ഡ്രന്സ് ഹോമിലേക്ക് മാറ്റി. തനിക്ക് സഹായധനം പ്രഖ്യാപിച്ച കൊച്ചൗസേഫ് ചിറ്റിലപ്പിള്ളി പരസ്യമായി ഇതുസംബന്ധിച്ച നിലപാട് പ്രഖ്യാപിക്കുന്നതിനു പകരം രാഷ്ട്രീയ പക്ഷപാതിത്വം ആരോപിച്ച് തന്നെ അവഹേളിക്കുന്നതില് നടപടി ആവശ്യപ്പെട്ടാണ് ജസീറ ബുധനാഴ്ച രാത്രി പാലാരിവട്ടം പൊലീസ്സ്റ്റേഷനില് എത്തിയത്. അറസ്റ്റോ കസ്റ്റഡിയോ രേഖപ്പെടുത്തിയിരുന്നില്ലെങ്കിലും ജസീറയെ പുറത്തിറങ്ങാന് പൊലീസ് അനുവദിച്ചില്ല.
ഇതിനിടെ ജസീറയ്ക്ക് പ്രഖ്യാപിച്ച തുക നല്കില്ലെന്ന് കൊച്ചൗസേഫ് പരസ്യമായി പ്രഖ്യാപിച്ചതോടെ ജസീറ സമരം നിര്ത്തുന്നതായും പ്രഖ്യാപിച്ചു. തന്നെ പിന്തുണച്ച മാധ്യമങ്ങള്ക്ക് നന്ദി പറയാന് തിരുവനന്തപുരത്തേക്കു പോകുകയാണെന്ന് ജസീറ പറഞ്ഞതിനു പിന്നാലെ വനിതാ പൊലീസിന്റെ സഹായത്തോടെ ഇവരുടെ കുട്ടികളായ റിസ്വാന (12), ഷിഫാന (10), മുഹമ്മദ് (ഒരു വയസ്സും 10 മാസവും) ജീപ്പില് കടത്തുകയും ചെയ്തു. ജസീറയെയും ഇവര് വാഹനത്തില് കയറ്റാന് ശ്രമിച്ചെങ്കിലും ഇവര് തെരുവിലേക്കിറങ്ങി. സ്ഥലമേതെന്ന് അറിയാതെ മണിക്കൂറുകളോളം ഇവര് തെരുവില് അലഞ്ഞു. മക്കളുമായി സമരം നടത്തില്ലെന്നും വീട്ടിലേക്ക് മടങ്ങുമെന്നും എഴുതി നല്കിയാലേ കുട്ടികളെ തനിക്കൊപ്പം വിട്ടയക്കൂവെന്നാണ് അധികൃതരുടെ നിലപാടെന്ന് ജസീറ പറഞ്ഞു. ഇതിന് താന് ഒരുക്കമല്ലെന്നും ജസീറ പറഞ്ഞു. മക്കളെ കൊണ്ടുപോയവര് തിരിച്ചേല്പ്പിക്കണം. സ്ത്രീ മക്കളെ നോക്കി വീട്ടിലിരിക്കണമെന്നു പറയുന്നത് അംഗീകരിക്കാനാവില്ലെന്നും ജസീറ പറഞ്ഞു.
deshabhimani
No comments:
Post a Comment