""ചന്ദ്രശേഖരന്‍ വധക്കേസിലെ പ്രതി കിര്‍മാണി മനോജിന്റെ 98475 62679 നമ്പര്‍ ഫോണില്‍നിന്ന് ഷംസീറിന്റെ ഫോണിലേക്ക് 9-4-12നും 3-5-12നും വിളിച്ചു എന്നും കേസില്‍ ഗൂഢാലോചന നടത്തി എന്നും"" മറ്റുമുള്ള കളവായ ആരോപണങ്ങളാണ് രമ കോഴിക്കോട്ട് വാര്‍ത്താസമ്മേളനത്തില്‍ ഉന്നയിച്ചത്. മലയാള മനോരമയിലും മാതൃഭൂമിയിലും മാധ്യമത്തിലും വസ്തുതാവിരുദ്ധമായ ഈ ആരോപണങ്ങള്‍ പ്രസിദ്ധീകരിച്ചു. ചന്ദ്രശേഖരന്‍ വധക്കേസുമായി ബന്ധപ്പെട്ട് വ്യക്തിഹത്യ നടത്തിയും അപമാനിച്ചും വോട്ടര്‍മാര്‍ക്കിടയില്‍ തെറ്റിദ്ധാരണ പരത്താനുള്ള ദുഷ്ടലാക്കോടുകൂടിയാണ് ആരോപണം ഉന്നയിച്ചത്. ഇന്ത്യന്‍ ശിക്ഷാനിയമം 500-ാം വകുപ്പ് പ്രകാരം ഇത് ശിക്ഷാര്‍ഹമാണെന്നും തെരഞ്ഞെടുപ്പ് നിയമങ്ങളുടെ ലംഘനമാണെന്നും നോട്ടീസില്‍ പറഞ്ഞു. ഇതുമൂലമുള്ള മാനഹാനിയ്ക്കും കഷ്ടനഷ്ടത്തിനും ഒരുകോടി രൂപ നഷ്ടപരിഹാരം കണക്കാക്കുന്നതായും നോട്ടീസില്‍ പറയുന്നു.
ഷംസീറിനെതിരായ ആര്‍എംപി ആരോപണം: യുഡിഎഫിന് വോട്ട് മറിക്കാന്‍
തിരു: വടകരയിലെ എല്‍ഡിഎഫ് സ്ഥാനാര്‍ഥി എ എന്‍ ഷംസീറിനെതിരെ ആര്‍എംപി അടിസ്ഥാനരഹിതമായ ആരോപണം ഉന്നയിക്കുന്നത് യുഡിഎഫിന് വോട്ട് മറിക്കാനാണെന്ന് കോടിയേരി ബാലകൃഷ്ണന്‍ പറഞ്ഞു. വടകരയില്‍ എല്‍ഡിഎഫ് വന്‍ ഭൂരിപക്ഷം നേടുമെന്ന് ഉറപ്പായപ്പോഴാണ് ഇത്തരം കഥകള്‍ മെനയുന്നത്. അന്വേഷണ ഏജന്‍സിയും കോടതിയുമെല്ലാം എല്ലാ വശങ്ങളും പരിശോധിച്ചതാണ്. എന്നിട്ടിപ്പോള്‍ സ്പെഷ്യല്‍ പൊലീസായി രമയെ ആരാണ് നിശ്ചയിച്ചത്. ആര്‍എംപി സമാന്തര പൊലീസാണോ? ഇതെല്ലാം വെറും തെരഞ്ഞെടുപ്പുസ്റ്റണ്ടുമാത്രമാണ്. തളിപ്പറമ്പില്‍ മരിച്ച ഷുക്കൂറിന്റെ കൊലപാതകവുമായി ബന്ധപ്പെട്ടും വടകരയില്‍ ഇത്തരം പ്രചാരണം നടത്തുന്നുണ്ട്. അത് ഏശാത്തപ്പോഴാണ് പുതിയ കഥകള്‍ മെനഞ്ഞതെന്നും കോടിയേരി പറഞ്ഞു.
deshabhimani
No comments:
Post a Comment