ആര്‍ഡിഒ കോടതിക്കു സമീപമായതിനാല്‍ പ്രവൃത്തി ദിവസങ്ങളില്‍ രാവിലെ 10 മുതല്‍ അഞ്ച് വരെ ഗാന്ധി പാര്‍ക്കില്‍ ഉച്ചഭാഷിണി ഉപയോഗിക്കുന്നത് സബ് കലക്ടര്‍ നിരോധിച്ചിരുന്നു. വിലക്ക് ലംഘിച്ച് 10മണി കഴിഞ്ഞും ബിന്ദു കൃഷ്ണ പ്രസംഗം തുടര്‍ന്നു. ഉച്ചഭാഷിണി ഉപയോഗത്തിന് പഞ്ചായത്ത് അനുമതിയും ലഭിച്ചിരുന്നില്ല. വിരലിലെണ്ണാവുന്ന പ്രവര്‍ത്തകര്‍ മാത്രമാണ് പ്രസംഗം കേള്‍ക്കാന്‍ എത്തിയത്. പ്രവര്‍ത്തകരെ കാത്ത് പരിപാടി തുടങ്ങാനും വൈകി. 10ന് ശേഷം ഉച്ചഭാഷിണി ഉപയോഗിക്കാന്‍ അനുവാദമില്ലെന്നറിയിച്ച എസ്ഐ ഓഫ് ചെയ്യാന്‍ ഓപ്പറേറ്ററോട് ആവശ്യപ്പെട്ടു. ഓഫാക്കിയ ഉടനെ കോണ്‍ഗ്രസ് പ്രവര്‍ത്തകര്‍ വീണ്ടും ബലം പ്രയോഗിച്ച് ഉച്ചഭാഷിണി പ്രവര്‍ത്തിപ്പിച്ചു. തുടര്‍ന്നായിരുന്നു ഭീഷണി. കോടിയേരിയുടെ പൊലീസല്ലെന്നും ആഭ്യന്തര വകുപ്പ് മാറിയത് നീയറിഞ്ഞില്ലേയെന്നും തൊപ്പി തെറിപ്പിക്കുമെന്നും ബിന്ദു കൃഷ്ണ ആക്രോശിച്ചു. കോണ്‍ഗ്രസ് പ്രവര്‍ത്തകര്‍ പൊലീസ് ഉദ്യോഗസ്ഥനെ വളഞ്ഞ് കൈയേറ്റം ചെയ്യാന്‍ ശ്രമിച്ചു. സി ഐ പി എല്‍ ഷൈജുവിന്റെ നേതൃത്വത്തില്‍ കൂടുതല്‍ പൊലീസ് സ്ഥലത്തെത്തിയാണ് രംഗം ശാന്തമാക്കിയത്.
deshabhimani
No comments:
Post a Comment