ആംഡ് ബറ്റാലിയന്‍ വഴി 1978മുതല്‍ സര്‍വീസില്‍ എത്തിയവരെ ആംഡ് റിസര്‍വുകളില്‍ 1988ല്‍ പ്രവേശിച്ചവരുടെ ജൂനിയറാക്കാനാണ് ഡിജിപി ഉത്തരവിട്ടന്നതെന്നാണ് പരാതി. പൊലീസ് ആസ്ഥാനത്തെ മിനിസ്റ്റീരിയല്‍ വിഭാഗത്തിലെ ഒരു ജൂനിയര്‍ സൂപ്രണ്ടാണ് ഇതിന് പിന്നില്‍ പ്രവര്‍ത്തിക്കുന്നതെന്നും ആക്ഷേപം ഉയര്‍ന്നു. സീനിയോറിറ്റി പുനഃക്രമീകരണത്തിന് ജില്ലാ പൊലീസ് മേധാവികള്‍ക്കും റേഞ്ച് ഐജിമാര്‍ക്കുമാണ് ഡിജിപി നിര്‍ദേശം നല്‍കിയത്. ആരുടെയും സീനിയോറിറ്റി നഷ്ടമാകാതെ പ്രശ്നപരിഹാരം വേണമെന്ന് മുഖ്യമന്ത്രിയും ആഭ്യന്തരമന്ത്രിയും പങ്കെടുത്ത ഉന്നതതല യോഗം തീരുമാനിച്ചിരുന്നു. അതിനാല്‍ ഡിജിപിയുടെ ഉത്തരവ് തല്‍ക്കാലം നടപ്പാക്കരുതെന്നും യോഗം നിര്‍ദേശിച്ചു. എന്നാല്‍, അതിന് വിരുദ്ധമായി തിരുവനന്തപുരം റേഞ്ചില്‍ ഡിജിപിയുടെ ഉത്തരവ് പ്രകാരം സീനിയോറിറ്റി പുനഃക്രമീകരിക്കാന്‍ ഐജി കഴിഞ്ഞ ദിവസം നിര്‍ദേശിക്കുകയായിരുന്നു. ഇത് നടപ്പായാല്‍ സംസ്ഥാന വ്യാപകമായി ഉത്തരവ് ബാധകമാക്കേണ്ടിവരും. ഇപ്പോള്‍ എഎസ്ഐ, എസ്ഐ, സിഐ തസ്തികകളിലുള്ള 3,500 പേരുള്‍പ്പെടെ 20,000 പേരെ ഇത് പ്രതികൂലമായി ബാധിക്കും. പത്തുവര്‍ഷത്തോളം സര്‍വീസ് കുറഞ്ഞവരുടെ താഴെയെത്തുമെന്നാണ് ഇവരുടെ പരാതി. സര്‍ക്കാര്‍ നിയോഗിച്ച എഡിജിപി എ ഹേമചന്ദ്രന്‍ കമ്മിറ്റിയുടെ ശുപാര്‍ശ നടപ്പാക്കിയാല്‍ പ്രശ്നം പരിഹരിക്കാനാകും. അതിന് പകരം ഏകപക്ഷീയമായി ഉത്തരവുമായി മുന്നോട്ടുപോകാനാണ് ഡിജിപിയുടെ നീക്കമെന്ന് ഇവര്‍ പറയുന്നു.
deshabhimani
No comments:
Post a Comment