തൃശൂര്‍ മെഡിക്കല്‍ കോളേജ് മുളങ്കുന്നത്തുകാവിലേക്കു മാറ്റിയത് എല്‍ഡിഎഫ് സര്‍ക്കാരിന്റെ കാലത്താണ്. മെഡിക്കല്‍ കോളേജ് വികസനത്തിന്റെ ഭാഗമായി ജെ1, 2, 3 ബ്ലോക്കുകളുടെയും 400 കിടയ്ക്ക വീതമുള്ള മെഡിസിന്‍ ബ്ലോക്ക്, സ്പെഷ്യാലിറ്റി ബ്ലോക്ക് എന്നിവയുടെ നിര്‍മാണം തുടങ്ങിയതും കഴിഞ്ഞ എല്‍ഡിഎഫ് സര്‍ക്കാരിന്റെ കാലത്താണ്. ഇതിനായി 25.24 കോടിയും അനുവദിച്ചു. നിര്‍മാണവും അവസാനഘട്ടത്തിലായിരുന്നു.
യുഡിഎഫ് സര്‍ക്കാര്‍ അധികാരത്തിലെത്തിയതോടെ വികസനപ്രവര്‍ത്തനങ്ങളെല്ലാം നിലച്ചമട്ടായി. ജെ1, 2, 3 ബ്ലോക്കിന്റെ ഉദ്ഘാടനം കഴിഞ്ഞമാസം നടത്തിയെങ്കിലും കാര്‍ഡിയോളജി, ന്യൂറോളജി ഉള്‍പ്പെടെയുള്ള വിഭാഗങ്ങള്‍ മാറ്റാനായില്ല. അത്യാഹിതവിഭാഗവും ലൈബ്രറിയും മാത്രം മാറ്റി തട്ടിപ്പുനാടകം നടത്തുകയാണ് ചെയ്തത്. ഇതിനു പിന്നാലെയാണ് മെഡിസിന്‍þസ്പെഷ്യാലിറ്റിബ്ലോക്കുകളും തുറന്ന് ഉദ്ഘാടനമാമാങ്കം നടത്തിയത്. കാത്ത്ലാബ് ആന്‍ഡ് കാര്‍ഡിയോതൊറാസിക് യൂണിറ്റിന്റെ നിര്‍മാണംപോലും തുടങ്ങിയിട്ടില്ല. ഇതിന്റെ ഉദ്ഘാടനവും വെള്ളിയാഴ്ച നടത്തി. കൂട്ടത്തില്‍ ഡെന്റല്‍ കോളേജ്, പേവാര്‍ഡ്്, ഹോസ്റ്റല്‍, ക്വാര്‍ട്ടേഴ്സ്, നേഴ്സിങ് കോളേജ് ബ്ലോക്ക് തുടങ്ങി ബേണ്‍സ് യൂണിറ്റിനുവരെ ശിലയിടലും നടത്തി. 800 കിടയ്ക്കയുള്ള മെഡിസിന്‍þസ്പെഷ്യാലിറ്റിബ്ലോക്കില്‍ നേഴ്സുമാരും നേഴ്സിങ് അസിസ്റ്റന്റുമാരും മറ്റു ജീവനക്കാരും ഉള്‍പ്പെടെ 883 സ്റ്റാഫിനെയാണ് ആവശ്യമുള്ളത്. എന്നാല്‍, അനുവദിച്ചത് 188 പേരെ. ഇതില്‍ ഈ സാമ്പത്തികവര്‍ഷം 42 പേരെ മാത്രമാണ് അനുവദിച്ചിട്ടുള്ളത്.
deshabhimani
No comments:
Post a Comment