സുരക്ഷിത നിക്ഷേപമെന്ന് കരുതി ജനങ്ങള് സ്വര്ണ്ണം വാങ്ങിക്കൂട്ടരുതെന്ന് കേന്ദ്രധനമന്ത്രി പി ചിദംബരം. ഡല്ഹിയില് വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം. ഒരു വര്ഷത്തേക്കെങ്കിലും നിക്ഷേപങ്ങള് സ്വര്ണ്ണത്തില് നിന്ന് മാറ്റിയില്ലെങ്കില് രാജ്യത്തെ കറന്റ് അക്കൗണ്ട് കമ്മി കുറയ്ക്കാനാകില്ലെന്ന് അദ്ദേഹം പറഞ്ഞു. കറന്റ് അക്കൗണ്ട് കമ്മിയുള്ള രാജ്യങ്ങളിലെല്ലാം കറന്സിയുടെ മൂല്യം ഇടിയുന്നുണ്ട്. അതിനാല് രൂപയുടെ വിലയിടിവില് പരിഭ്രാന്തിവേണ്ട. രൂപയുടെ മൂല്യം വരും ദിവസങ്ങളില് ഉയരുമെന്നും ധനമന്ത്രി അഭിപ്രായപ്പെട്ടു.
വിവിധ മേഖലകളിലെ വിദേശ നിക്ഷേപ പരിധി ഉയര്ത്തുമെന്നും ചിദംബരം വ്യക്തമാക്കി. പണപ്പെരുപ്പം നിയന്ത്രണവിധേയമാണെന്നും ഇന്ത്യയുടെ സാമ്പത്തിക നില ഭദ്രമാണെന്നും അദ്ദേഹം പറഞ്ഞു. സര്ക്കാര് നടപ്പാക്കിയി സാമ്പത്തിക പരിഷ്കരണങ്ങള് ഫലംകാണുന്നതിന്റെ സൂചനയാണിതെന്നും അതിനാല് കൂടുതല് വിപുലമായ സാമ്പത്തിക പരിഷ്കരണങ്ങള് നടപ്പുമാസംതന്നെ തുടങ്ങുമെന്നും അദ്ദേഹം വ്യക്തമാക്കി.
രാജ്യത്തിന്റെ സാമ്പത്തിക നില ഭദ്രമാണെന്ന് അവകാശപ്പെടുമ്പോഴും വ്യാവസായിക ഉല്പ്പാദന വളര്ച്ച 2 ശതമാനമായി ഇടിഞ്ഞതിനെക്കുറിച്ച് മന്ത്രി മൗനംപാലിച്ചു. കല്ക്കരി, പ്രകൃതിവാതക വിലയിടിവ് പരിഹരിക്കാന് നടപടിയെടുക്കുമെന്നും ചിദംബരം കൂട്ടിച്ചേര്ത്തു.
deshabhimani
No comments:
Post a Comment