കൊച്ചി സഹകരണ മെഡിക്കല്‍ കോളേജ് സര്‍ക്കാര്‍ ഏറ്റെടുത്തതിന്റെ ഫലമായി ജീവനക്കാര്‍ക്ക് ഒരു മാസത്തിലേറെയായി ശമ്പളം ലഭിക്കുന്നില്ല. ആശുപത്രിയുടെ പ്രവര്‍ത്തനവും താറുമാറായി. കലക്ടറുടെ ശുപാര്‍ശ പ്രകാരമാണ് പരിയാരം സഹകരണ മെഡിക്കല്‍ കോളേജ് ഏറ്റെടുക്കാന്‍ തീരുമാനിച്ചതെന്നായിരുന്നു സര്‍ക്കാരിന്റെ വാദം. എന്നാല്‍ കലക്ടറുടെ റിപ്പോര്‍ട്ടില്‍ ഒരിടത്തും ഇപ്പോഴത്തെ ഭരണസമിതിയെ പിരിച്ചുവിടാന്‍ ആവശ്യമായ ഒരു കാരണവും നിരത്തിയിട്ടില്ല. റിപ്പോര്‍ട്ടിലുടനീളം കേരള സ്റ്റേറ്റ് കോ- ഓപ്പറേറ്റീവ് ഹോസ്പിറ്റല്‍ കോംപ്ലക്സ് ആന്‍ഡ് അഡ്വാന്‍സ്ഡ് മെഡിക്കല്‍ സര്‍വീസ് ലിമിറ്റഡി (കെസിഎച്ച്സി)ന്റെ പ്രവര്‍ത്തനങ്ങള്‍ മെച്ചപ്പെട്ട നിലയിലായിരുന്നുവെന്നാണ് പറയുന്നത്. പരിയാരത്ത് എല്‍ഡിഎഫ് ഭരണസമിതി അധികാരത്തില്‍ വന്നശേഷം വിദ്യാര്‍ഥി പ്രവേശനത്തില്‍ സാമൂഹ്യനീതിയും മെറിറ്റും നടപ്പാക്കി. സര്‍ക്കാര്‍ മെറിറ്റ് സീറ്റും മാനേജ്മെന്റ് ക്വാട്ടയും 50 ശതമാനം വീതമാണ്. ഇതില്‍ മാനേജ്മെന്റ് സീറ്റില്‍ 15 ശതമാനം എന്‍ആര്‍ഐ ക്വാട്ടയാണ്. അവശേഷിക്കുന്ന 35 ശതമാനം മാനേജ്മെന്റ് സീറ്റില്‍ പ്രവേശനം സര്‍ക്കാര്‍ എന്‍ട്രന്‍സ് റാങ്ക് ലിസ്റ്റിലെ ക്രമപ്രകാരമാണ്. സര്‍ക്കാര്‍ നിശ്ചയിച്ച ഫീസാണ് ഈടാക്കുന്നത്. എന്‍ആര്‍ഐ സീറ്റില്‍ സര്‍ക്കാര്‍ മേല്‍നോട്ടത്തില്‍ നടത്തുന്ന പരീക്ഷയുടെ അടിസ്ഥാനത്തിലാണ് പ്രവേശനം. തിരുവനന്തപുരം, കോഴിക്കോട് സര്‍ക്കാര്‍ മെഡിക്കല്‍ കോളേജുകള്‍ കഴിഞ്ഞാല്‍ വിദ്യാര്‍ഥികള്‍ തെരഞ്ഞെടുക്കുന്നത് പരിയാരത്തെയാണ്. അക്കാദമിക് നിലവാരവും പ്രവേശനത്തിലെ സുതാര്യതയുമാണ് ഇതിനുകാരണം.
deshabhimani
No comments:
Post a Comment