തൊഴിലാളികളുടെ വേതനസമ്പ്രദായം, തൊഴില്‍സ്ഥിരത എന്നിവയെല്ലാം യുപിഎ സര്‍ക്കാര്‍ നശിപ്പിച്ചു. എച്ച്എംടി, ഫാക്ട് തുടങ്ങിയവ തകര്‍ത്തു. ഭക്ഷ്യസുരക്ഷാ നിയമം ഇന്ത്യയിലെ റേഷന്‍സമ്പ്രദായം നശിപ്പിച്ചു. കേരളത്തില്‍ 50 ശതമാനം പേര്‍ക്ക് റേഷന്‍ ഇല്ലാതാക്കി. പത്തുവര്‍ഷത്തെ ഭരണത്തിലൂടെ തൊഴില്‍സുരക്ഷയും ജീവിതസുരക്ഷയും അട്ടിമറിച്ച മന്‍മോഹന്‍സിങ്ങും എ കെ ആന്റണിയും വീണ്ടും ജനങ്ങളെ പറ്റിക്കാന്‍ ഇറങ്ങിയിരിക്കുകയാണ്. തൊഴിലാളികളുടെ പ്രശ്നങ്ങളെപ്പറ്റി എന്തുകൊണ്ട് ചര്‍ച്ച നടത്താന്‍ തയ്യാറായില്ലെന്ന് എ കെ ആന്റണി പറയണം. ബിജെപി വീക്ഷണ രേഖ പുറത്തിറക്കാന്‍ തീരുമാനിച്ചശേഷം പിന്മാറി. സബ്സിഡി നിര്‍ത്തുക, വേതനം വര്‍ധിപ്പിക്കാതിരിക്കുക, കരാര്‍തൊഴില്‍ വ്യാപിപ്പിക്കുന്ന രീതിയില്‍ തൊഴില്‍നിയമങ്ങള്‍ മാറ്റുക എന്നിവയാണ് വീക്ഷണരേഖയില്‍ പറയുന്ന കാര്യങ്ങളെന്ന് മാധ്യമങ്ങള്‍ പുറത്തുകൊണ്ടുവന്നു. ഇന്ത്യയില്‍ ഏറ്റവും കുറഞ്ഞ കൂലിനിരക്കുള്ള സംസ്ഥാനമാണ് ഗുജറാത്ത്. കുത്തക കമ്പനികളാണ് നരേന്ദ്ര മോഡിയുടെ പരസ്യം ഇന്ത്യ മുഴുവന്‍ നല്‍കിയത്- എ കെ പി പറഞ്ഞു.
No comments:
Post a Comment