കൊച്ചി > ഡിവൈഎഫ്ഐ അഖിലേന്ത്യ പ്രസിഡന്റായി പി എ മുഹമ്മദ് റിയാസിനെയും ജനറല്‍ സെക്രട്ടറിയായി അവോയ് മുഖര്‍ജിയേയും തെരഞ്ഞെടുത്തു. ബൽബീർ പരാശർ ആണ് ട്രഷറർ നിലവിലെ പ്രസിഡന്റ് എം ബി രാജേഷ് എം പി സ്ഥാനമൊഴിഞ്ഞ ഒഴിവിലാണ് മുഹമ്മദ് റിയാസ് തെരഞ്ഞെടുക്കപ്പെട്ടത്.ഇപ്പോൾ അഖിലേന്ത്യാ ജോയിന്റ് സെക്രട്ടറിയാണ്. അവോയ് മുഖര്‍ജി നിലവിൽ ജനറൽ സെക്രട്ടറിയാണ് . എ എന്‍ ഷംസീര്‍ (വൈസ് പ്രസിഡന്റ്), എം സ്വരാജ് (ജോയിന്റ് സെക്രട്ടറി) എന്നിവരേയും കൊച്ചി കലൂര്‍ ജവഹര്‍ലാല്‍ നെഹ്റു അന്താരാഷ്ട്ര സ്റ്റേഡിയത്തില്‍ നടന്ന സമ്മേളനം തെരഞ്ഞെടുത്തു. 83 അംഗ കേന്ദ്രകമ്മിറ്റിയേയും സമ്മേളനം തെരഞ്ഞെടുത്തു. ഇതില്‍ ആറ് പേര്‍ കേരളത്തില്‍ നിന്നുള്ള പ്രതിനിധികളാണ്.
സിപിഐ എം കോഴിക്കോട് ജില്ലാകമ്മിറ്റി അംഗമായ മുഹമ്മദ് റിയാസ് നിലവിൽ അഖിലേന്ത്യാ ജോയിന്റ് സെക്രട്ടറിയാണ്. 2009 ൽ കോഴിക്കോട് നിന്ന് ലോക് സഭയിലേക്ക് മത്സരിച്ചിരുന്നു.
ജനറല്‍ സെക്രട്ടറി അഭോയ് മുഖര്‍ജി പശ്ചിമബംഗാളിലെ ബംഗുള ജില്ലക്കാരനാണ്. ബിഎസ്‌സി ബിരുദ ധാരിയാണ്. സിപിഐ എം ജില്ലാകമ്മിറ്റി അംഗമാണ്.
പുതിയ ട്രഷററായി തെരഞ്ഞെടുക്കപ്പെട്ട ബൽബീർ പരാശർ ഹിമാചല്‍ പ്രദേശ് മുന്‍ സംസ്ഥാന പ്രസിഡന്റാണ്.
No comments:
Post a Comment