കുത്തഴിഞ്ഞ അന്തരീക്ഷത്തിലാണ് ഇത്തവണ അധ്യയനവര്‍ഷം ആരംഭിച്ചത്. എട്ടു ജില്ലയില്‍ പാഠപുസ്തകങ്ങള്‍ എത്തിയിട്ടില്ല. വിദ്യാര്‍ഥികള്‍ക്ക് സൗജന്യ യൂണിഫോം നല്‍കാനുള്ള നടപടിയായിട്ടില്ല. 224 ഹൈസ്കൂളുകളില്‍ പ്രധാനാധ്യാപകരില്ല. 120 ഹയര്‍സെക്കന്‍ഡറി സ്കൂളില്‍ പ്രിന്‍സിപ്പല്‍മാരില്ല. 20 ഡിഇഒമാരുടെയും അഞ്ച് ഡിഡിമാരുടെയും സ്ഥാനം ഒഴിഞ്ഞുകിടക്കുകയാണ്. അഞ്ഞൂറിലധികം അണ്‍എയ്ഡഡ് വിദ്യാഭ്യാസ സ്ഥാപനങ്ങള്‍ക്ക് സര്‍ക്കാര്‍ അനുമതി നല്‍കി. വിദ്യാഭ്യാസ അവകാശനിയമം പൊതുവിദ്യാഭ്യാസത്തെ തകര്‍ക്കുന്ന രീതിയിലാണ് നടപ്പാക്കുന്നത്. സ്വാശ്രയ വിദ്യാഭ്യാസ മേഖലയില്‍ സര്‍ക്കാരും മാനേജ്മെന്റും ഒത്തുകളിക്കുകയാണ്. ലക്ഷങ്ങള്‍ കോഴവാങ്ങി സ്വാശ്രയ മെഡിക്കല്‍ മാനേജ്മെന്റ് അസോസിയേഷന്റെ നേതൃത്വത്തില്‍ കഴിഞ്ഞ ദിവസം നടത്തിയ പ്രവേശനപരീക്ഷ റദ്ദാക്കണമെന്നും അല്ലെങ്കില്‍ വന്‍ സമരം ആരംഭിക്കുമെന്നും നേതാക്കള്‍ മുന്നറിയിപ്പു നല്‍കി. കോഴിക്കോട് മെഡിക്കല്‍കോളേജിനെ തകര്‍ക്കുന്നതിന്റെ ഭാഗമായാണ് എംബിബിഎസ് സീറ്റ് വെട്ടിക്കുറച്ചത്. ഗുണ്ടാനിയമം ദുരുപയോഗപ്പെടുത്തി വിദ്യാര്‍ഥി-യുവജന നേതാക്കളെ നാടുകടത്താനുള്ള സര്‍ക്കാര്‍ നീക്കം ഉപേക്ഷിക്കണമെന്നും നേതാക്കള്‍ പറഞ്ഞു. സംസ്ഥാന വൈസ്പ്രസിഡന്റ് ആര്‍ എസ് ബാലമുരളി, ജില്ലാ സെക്രട്ടറി എ എം അന്‍സാരി, പ്രസിഡന്റ് എം ആര്‍ സിബി എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.
deshabhimani
No comments:
Post a Comment