നേരത്തെ ഊര്‍ജ സഹമന്ത്രിയായിരുന്ന വേണുഗോപാല്‍ കഴിഞ്ഞ മന്ത്രിസഭാ അഴിച്ചുപണിയോടെ വ്യോമയാന സഹമന്ത്രിയായി. എന്നാല്‍, ടിക്കറ്റ് ഉറപ്പിക്കാന്‍ നല്‍കിയ കത്തില്‍ ഊര്‍ജ സഹമന്ത്രിയെന്നാണുള്ളത്. ജയ്പാല്‍റെഡ്ഡിയുടെ പേരിലുള്ള കത്തില്‍ അദ്ദേഹത്തിന്റെ ഓഫീസ് ശാസ്ത്രിഭവന്‍ എന്നാണുള്ളത്. യഥാര്‍ഥത്തില്‍ അനുസന്ധാന്‍ ഭവനിലാണ് ഓഫീസ്. ബിഎസ്പി എംപി രാജന്റെ പേരിലുള്ള രണ്ട് വ്യാജകത്തുകള്‍ പൊലീസ് കണ്ടെടുത്തു. വ്യാജ കത്തിന്റെ സഹായത്താല്‍ യുപിയിലെ അലഹബാദില്‍നിന്ന് യാത്ര ഉറപ്പാക്കിയ വ്യക്തിയെ ചോദ്യംചെയ്തപ്പോഴാണ് മാഫിയാ പ്രവര്‍ത്തനം പൊലീസിന് ബോധ്യപ്പെട്ടത്. യുപിയിലെ ജോന്‍പുരിലുള്ള ഒരു ട്രാവല്‍ ഏജന്റില്‍ നിന്നാണ് ടിക്കറ്റ് തരപ്പെടുത്തിയതെന്നും 408 രൂപയുടെ ടിക്കറ്റിന് 900 രൂപ നല്‍കിയെന്നും യാത്രക്കാരന്‍ സമ്മതിച്ചു. തുടര്‍ന്ന് പൊലീസ് ട്രാവല്‍ ഏജന്റുമായി ബന്ധപ്പെട്ടെങ്കിലും ട്രെയിന്‍ ടിക്കറ്റുകള്‍ സ്ഥിരപ്പെടുത്തി നല്‍കാറില്ലെന്ന മറുപടിയാണ് ലഭിച്ചത്. അലഹബാദ്, ജോന്‍പുര്‍, വാരാണസി എന്നിവിടങ്ങളിലെ ട്രാവല്‍ ഏജന്റുമാരാണ് വ്യാപകമായി വ്യാജ കത്തുകള്‍ ഉപയോഗിക്കുന്നത്.
deshabhimani
No comments:
Post a Comment