തൃശൂര്: എറിക് ഹോബ്സ്ബോമിന്റെ "ഹൗ റ്റു ചേഞ്ച് ദി വേള്ഡി"ന്റെ മലയാള പരിഭാഷയായ "ലോകത്തെ മാറ്റുന്നത്" എന്ന പുസ്തകം സിപിഐ എം പൊളിറ്റ്ബ്യൂറോ അംഗം എം എ ബേബി പ്രകാശനം ചെയ്തു. ചിന്ത പബ്ലിഷേഴ്സാണ് പ്രസാധകര്. അറിവും ചിന്തകളും നവീകരിച്ചു മാത്രമേ ഉത്തമനായ കമ്യുണിസ്റ്റും വിപ്ലവകാരിയുമായി മാറാന് കഴിയൂവെന്ന് എം എ ബേബി പറഞ്ഞു. സമൂഹത്തെ മാറ്റിമറിക്കുന്ന പ്രവര്ത്തനത്തില് പങ്കാളിയായ യഥാര്ഥ കമ്യൂണിസറ്റുകാരന് അറിവുകളെ സ്വയം പുതുക്കുക എന്ന മാര്ക്സിസ്റ്റ് ചിന്തകന് എറിക് ഹോബ്സ്ബോമിന്റെ നിരീക്ഷണങ്ങള് ഇന്നും പ്രസക്തമാണെന്ന് അദ്ദേഹം പറഞ്ഞു. ഒരു കമ്യൂണിസ്റ്റുകാരന് എന്താണ് പൊതുചര്ച്ചക്ക് വിധേയമാക്കേണ്ടത്, എന്താണ് പാടില്ലാത്ത് എന്ന് അതിവിദഗ്ധമായി എറിക് ഹോബ്സ് ബോധ്യപ്പെടുത്തി. സാമുഹ്യമാറ്റത്തിനായി പ്രവര്ത്തിക്കുന്നവരുടെ ലക്ഷ്യബോധത്തിന് മൂര്ച്ചകൂട്ടാന് സഹായിക്കുന്ന എറിക്കിന്റെ പുസ്തകം നമ്മുടെ സാംസ്കാരിക ജീവിതത്തിലെ വലിയ സംഭാവനയായി മാറുമെന്നും ബേബി പറഞ്ഞു.
കേരള സാഹിത്യ അക്കാദമി ബഷീര് വേദിയില് നടന്ന ചടങ്ങില് പ്രൊഫ. കെ യു അരുണന് അധ്യക്ഷനായി. സിപിഐ എം ജില്ലാ സെക്രട്ടറി എ സി മൊയ്തീന് പുസ്തകം ഏറ്റുവാങ്ങി. പുസ്തക പരിഭാഷകന് പി കെ ശിവദാസ് പുസ്തക പരിചയപ്പെടുത്തി. സുനില് പി ഇളയിടം, എന് ആര് ഗ്രാമപ്രകാശ് എന്നിവര് സംസാരിച്ചു. ചിന്ത പബ്ലിഷേഴ്സ് ജനറല് മാനേജര് വി കെ ജോസഫ് സ്വാഗതവും എം ശിവശങ്കരന് നന്ദിയും പറഞ്ഞു.
ലോകത്തിന്റെ മാറ്റവും മാറ്റത്തിന്റെ ലോകവും - സച്ചിദാനന്ദന് എഴുതിയ അവതാരിക
deshabhimani 080513
No comments:
Post a Comment