കള്ളപ്പണം വെളുപ്പിക്കാന് പൊതുമേഖലാ ബാങ്കുകളും ന്യൂഡല്ഹി: കള്ളപ്പണം വെളുപ്പിക്കാന് രാജ്യത്തെ പൊതുമേഖലാ ബാങ്കുകളും സ്വകാര്യ ബാങ്കുകളും കൂട്ടുനില്ക്കുന്നതായി വെളിപ്പെടുത്തല്. കോബ്രാ പോസ്റ്റെന്ന ന്യുസ് പോറട്ടലിന്റെ ഒളിക്യാമറ നീക്കത്തിലാണ് ഇക്കാര്യം വെളിപ്പെട്ടത്.
സ്റ്റേറ്റ് ബാങ്ക് ഓഫ് ഇന്ത്യ, കാനറാ ബാങ്ക്, ഫെഡറല് ബാങ്ക്, ധനലക്ഷ്മി ബാങ്ക്, പഞ്ചാബ് നാഷണല് ബാങ്ക്, കോര്പ്പറേഷന് ബാങ്ക്, ഇന്ത്യന് ഓവര്സീസ് ബാങ്ക്, യെസ് ബാങ്ക് തുടങ്ങിയവയടക്കം 23 ബാങ്കുകളില് നടത്തിയ ഒളിക്യാമറ നീക്കത്തിലൂടെയാണ് വാര്ത്ത. എല്ഐസി, റിലയന്സിന്റെ ഇന്ഷുറന്സ് വിഭാഗം, ടാറ്റ എഐജി, ബിര്ല സണ്ലൈഫ് എന്നിവയും കള്ളപ്പണം വെളുപ്പിക്കുന്നത് "ഓപ്പറേഷന് റെഡ് സ്പൈഡര്-2" എന്ന് പേരിട്ട ഒളിക്യാമറ വാര്ത്തയില് വെളിപ്പെടുത്തുന്നു.
മന്ത്രിമാരുടെ കള്ളപ്പണമാണ് എന്നും മറ്റും വിശദീകരിച്ചാണ് 10 കോടി വരെ വരുന്ന കള്ളപ്പണം നിക്ഷേപിക്കാന് വഴി തേടി കോബ്രയുടെ ലേഖകര് ബാങ്കുകളെ സമീപിക്കുന്നത്. പല അക്കൗണ്ടുകളിലായി കള്ളപ്പണം നിക്ഷേപിക്കാമെന്നും ഒന്നിലേറെ ലോക്കറുകള് നല്കാമെന്നും ബാങ്ക് അധികൃതര് വാഗ്ദാനം നല്കുന്നുണ്ട്. ഉത്തര്പ്രദേശ്, ഹരിയാന, ആന്ധ്രപ്രദേശ് തുടങ്ങഇയ സംസ്ഥാനങ്ങളിലായിരുന്നു കോബ്രയുടെ അന്വേഷണം.
എച്ച്ഡിഎഫ്സി ബാങ്ക്,ഐസിഐസിഐ ബാങ്ക് എന്നിവ വന്തോതില് കള്ളപ്പണം വെളുപ്പിക്കാന് കൂട്ടുനില്ക്കുന്നതായി മാര്ച്ചില് കോബ്ര കണ്ടെത്തി പുറത്തുകൊണ്ടുവന്നിരുന്നു. മുമ്പ് തെഹല്ക്കയുടെ മേധാവിയായിരുന്ന അനിരുദ്ധ് ബഹാലാണ് കോബ്രാ പോസ്റ്റിന്റെ എഡിറ്റര്. ബഹാല് പത്രസമ്മേളനത്തിലാണ് ഒളിക്യാമറ വിവരങ്ങള് പുറത്തുവിട്ടത്.
deshabhimani
No comments:
Post a Comment