deshabhimani
Wednesday, June 12, 2013
ഓണറബിള് സ്പീക്കര് സഭ വിട്ടു; ബഹുമാനപ്പെട്ട സഭാധ്യക്ഷന് എത്തി
നിയമസഭയില്നിന്ന് ഓണറബിള് സ്പീക്കറും ഓണറബിള് മെമ്പേഴ്സും "പടിയിറങ്ങി". മലയാളത്തിന് ശ്രേഷ്ഠഭാഷാപദവി ലഭിച്ചതിന്റെ ഭാഗമായി ബഹുമാനപ്പെട്ട സ്പീക്കറും സാമാജികരും സഭയില് "ഇടംപിടിച്ചു". പതിമൂന്നാം കേരള നിയമസഭയുടെ ഒമ്പതാം സമ്മേളനത്തിന്റെ ആദ്യദിനമായ തിങ്കളാഴ്ചമുതലാണ് അഭിസംബോധനയിലെ ഈ മാറ്റം. സഭ തുടങ്ങുന്നതിനു തൊട്ടുമുമ്പ് സ്പീക്കറുടെ വരവ് അറിയിച്ച് സുരക്ഷാ ഉദ്യോഗസ്ഥന് നടത്തിയിരുന്ന അഭിസംബോധനാ വാചകങ്ങളാണ് തനി മലയാളമായത്. രണ്ടാം ബെല് മുഴങ്ങിക്കഴിയുമ്പോള് സുരക്ഷാ ഉദ്യോഗസ്ഥന് സ്പീക്കറുടെ ഇരിപ്പിടത്തിനടുത്ത് എത്തി സ്പീക്കറുടെ വരവറിയിക്കുന്ന "ഓണറബിള് മെമ്പേഴ്സ് ഓണറബിള് സ്പീക്കര്" എന്നു പറയും. ഇതാണ് "ബഹുമാനപ്പെട്ട സാമാജികരേ, ബഹുമാനപ്പെട്ട സഭാധ്യക്ഷന്" എന്നാക്കി മാറ്റിയത്. മലയാളത്തിന് ശ്രേഷ്ഠഭാഷാ പദവി ലഭിച്ചതിന്റെ ഭാഗമായാണ് ഈ മാറ്റം വരുത്താന് തീരുമാനിച്ചത്.
Subscribe to:
Post Comments (Atom)
No comments:
Post a Comment