സമരത്തിന്റെ രണ്ടാംദിനം എല്‍ഡിഎഫ് കണ്‍വീനര്‍ വൈക്കംവിശ്വന്‍ ഉപരോധം ഉദ്ഘാടനം ചെയ്തു. ഡിവൈഎഫ്ഐ സംസ്ഥാന ജോ. സെക്രട്ടറി എ എന്‍ ഷംസീര്‍ , എസ്എഫ്ഐ അഖിലേന്ത്യാ ജോയിന്റ് സെക്രട്ടറി വി ശിവദാസന്‍ , സംസ്ഥാന പ്രസിഡന്റ് കെ വി സുമേഷ്, കെ ടി കുഞ്ഞിക്കണ്ണന്‍ തുടങ്ങിയവര്‍ സംസാരിച്ചു. ഡിവൈഎഫ്ഐ ജില്ലാ പ്രസിഡന്റ് എം ഗിരീഷ് അധ്യക്ഷനായി. എസ്എഫ്ഐ ജില്ലാ പ്രസിഡന്റ് വി വസീഫ് സ്വാഗതം പറഞ്ഞു. സിപിഐ എം ജില്ലാ സെക്രട്ടറി ടി പി രാമകൃഷ്ണന്‍ , ജില്ലാ സെക്രട്ടറിയറ്റ് അംഗങ്ങളായ പി മോഹനന്‍ , ടി പി ബാലകൃഷ്ണന്‍ നായര്‍ , പി വിശ്വന്‍ , എം ഭാസ്കരന്‍ , കെ ചന്ദ്രന്‍ , സി ഭാസ്കരന്‍ തുടങ്ങിയ നേതാക്കളും ഡിവൈഎഫ്ഐ-എസ്എഫ്ഐ നേതാക്കളും സദാ പന്തലിലുണ്ട്.
(പി കെ സജിത്)
യുവജന- വിദ്യാര്‍ഥി നേതാക്കള്‍ക്ക് ആയിരങ്ങളുടെ സ്നേഹാഭിവാദ്യം
കോഴിക്കോട്: ജയില്‍ മോചിതരായ ഡിവൈഎഫ്ഐ-എസ്എഫ്ഐ നേതാക്കള്‍ക്കും പ്രവര്‍ത്തകര്‍ക്കും ആവശോജ്വല സ്വീകരണം. ബുധനാഴ്ച വൈകിട്ട് അഞ്ചരയോടെ മോചിതരായ ഡിവൈഎഫ്ഐ ജില്ലാ സെക്രട്ടറി പി എ മുഹമ്മദ് റിയാസടക്കം 22 പേരെ സിപിഐ എം ജില്ലാ സെക്രട്ടറി ടി പി രാമകൃഷ്ണന്റെ നേതൃത്വത്തില്‍ നൂറുകണക്കിന് പ്രവര്‍ത്തകരാണ് വരവേറ്റത്. മോചിതരായ സഖാക്കളെ പൂമാലയര്‍പ്പിച്ചും മുദ്രാവാക്യം വിളിച്ചും നിരവധി വാഹനങ്ങളുടെ അകമ്പടിയോടെയും മുതലക്കുളം മൈതാനം വരെ പ്രകടനമായി ആനയിച്ചു. തുടര്‍ന്ന് പട്ടാളപ്പള്ളിക്കുസമീപത്തുനിന്നും 22 സഖാക്കളെയും തുറന്നവാഹനത്തില്‍ വെസ്റ്റ്ഹില്‍ എന്‍ജിനിയറിങ് കോളേജിലെ സമരമുഖത്തെത്തിച്ചു. ജയിലറക്കുള്ളില്‍നിന്നും പോര്‍മുഖത്തെത്തിയ സഖാക്കള്‍ക്ക് ഹൃദ്യമായ വരവേല്‍പ്പാണ് ഇവിടെ നല്‍കിയത്. പൊലീസ് കള്ളക്കേസെടുത്ത് ജയിലിലടച്ച നേതാക്കളെയും പ്രവര്‍ത്തകരെയും രക്തഹാരങ്ങളണിയിച്ചും പരസ്പരം കെട്ടിപ്പിടിച്ചും പ്രവര്‍ത്തകര്‍ സ്നേഹാഭിവാദ്യം പങ്കിട്ടു.
നിര്‍മല്‍മാധവ് വിഷയത്തില്‍ പഠിപ്പ്മുടക്ക് സമരത്തെ തുടര്‍ന്ന് 31 ദിവസം ജയിലില്‍ അടച്ച എസ്എഫ്ഐ ജില്ലാ സെക്രട്ടറിയറ്റംഗം സി പി ഷിജു, കുന്നമംഗലം ഏരിയാ പ്രസിഡന്റ് നിഥിന്‍നാഥ്, ഏരിയാ ജോയിന്റ് സെക്രട്ടറി നിര്‍ഷാദ് അലി, വൈസ്പ്രസിഡന്റുമാരായ യദുരാജ്, ഹേമന്ത് എന്നിവരും ബുധനാഴ്ച ജാമ്യത്തിലിറങ്ങി. സമരകേന്ദ്രത്തില്‍ നടന്ന സ്വീകരണയോഗത്തില്‍ ഡിവൈഎഫ്ഐ ജില്ലാപ്രസിഡന്റ് എം ഗിരീഷ് അധ്യക്ഷനായി. എസ്എഫ്ഐ സംസ്ഥാന പ്രസിഡന്റ് കെ വി സുമേഷ്, ജില്ലാ സെക്രട്ടറി പി എ മുഹമ്മദ് റിയാസ്, കോണ്‍ഗ്രസ് എസ് സംസ്ഥാന പ്രസിഡന്റ് രാമചന്ദ്രന്‍ കടന്നപ്പള്ളി, എസ്എഫ്ഐ സംസ്ഥാന വൈസ് പ്രസിഡന്റ് എസ് കെ സജീഷ്, ജില്ലാ പ്രസിഡന്റ് വി വസീഫ് എന്നിവര്‍ സംസാരിച്ചു.
പ്രതിഷേധാഗ്നിയായി വിപ്ലവ ഗാനങ്ങള്‍
അരിവാളിന്‍ ചുണ്ടിന്റെ ചിരിചുവക്കും അരിവാളിന്‍ ചുണ്ടിന്റെ ചിരിചുവക്കും ഹരിത വിപ്ലവ ശക്തിയിതാ, അവശ മര്‍ദ്ദിത രക്തമിതാ അവരുടെ ജീവിത കാഹളമിതാ........ വെസ്റ്റ്ഹില്‍ എന്‍ജി. കോളേജ് ഗേറ്റിലെ സമരപ്പന്തലില്‍ ആയിരങ്ങളുടെ മനസ്സിലേക്കും ചിന്തയിലേക്കും പോരാട്ടത്തിന്റെ കനല്‍ചിന്തുകളിട്ട് ജനാധിപത്യ മഹിളാ അസോസിയേഷന്‍ ജില്ലാസെക്രട്ടറി എം കെ നളിനി പാടിത്തുടങ്ങിയപ്പോള്‍ സമരമുഖം നിശബ്ദം. പാട്ടിനൊത്ത് പ്രവര്‍ത്തകരും താളമിട്ടു. ഒളവണ്ണ ഗ്രാമപഞ്ചായത്ത് വൈസ്പ്രസിഡന്റ് കെ തങ്കമണിയും വിപ്ലവഗാനം പാടി ജനക്കൂട്ടത്തെ ആവേശഭരിതരാക്കി. കെപിഎസിയുടെ മധുരഗാനങ്ങളും വിപ്ലവഗാനങ്ങളും നാടന്‍പാട്ടുകളും കവിതകളും ആലപിച്ച് സമരത്തിന് പുതിയ മാനം തീര്‍ത്തു.
deshabhimani 131011
സമരചരിത്രത്തില്‍ ആവേശകരമായ പുതിയ അധ്യായം രചിക്കുകയാണ് രണ്ട് ദിവസമായി കോഴിക്കോട്ടുകാര്‍ . നിര്‍മല്‍മാധവ് എന്ന വിദ്യാര്‍ഥിക്ക് നിയമം ലംഘിച്ച് ഗവ. എന്‍ജിനിയറിങ് കോളേജില്‍ പ്രവേശനം നല്‍കിയ സര്‍ക്കാര്‍ നടപടി റദ്ദാക്കണമെന്നാവശ്യപ്പെട്ട് ഡിവൈഎഫ്ഐ-എസ്എഫ്ഐ നേതൃത്വത്തിലുള്ള അനിശ്ചിതകാല ഉപരോധസമരം അക്ഷരാര്‍ഥത്തില്‍ ജനകീയ സമരമായി. വെസ്റ്റ്ഹില്‍ ഗവ. എന്‍ജിനിയറിങ് കോളേജ് ഗേറ്റിലെ സമരപ്പന്തലിലേക്ക് രാപ്പകലില്ലാതെ ജനങ്ങള്‍ ഒഴുകുന്നു. പടപ്പാട്ടുകളും വിപ്ലവ ഗാനമേളകളും ലഘുനാടകങ്ങളുമെല്ലാമായി ഉറക്കം പോലുമില്ലാതെ അവര്‍ ഉപരോധ സമരത്തില്‍ പങ്കാളികളാവുന്നു. സ്ത്രീകളും കുട്ടികളുമടക്കം ആയിരങ്ങളാണ് സമരകേന്ദ്രത്തിലെത്തിലെത്തുന്നത്. അവശതകള്‍ മറന്ന് പ്രായമായവര്‍ പോലും പന്തലിലെത്തുന്നത് ഉപരോധത്തിന് കൂടുതല്‍ കരുത്തു പകരുന്നു. പ്രക്ഷോഭത്തിന് പിന്തുണയുമായി രക്ഷിതാക്കളും സമരകേന്ദ്രത്തിലെത്തി. വിദ്യാര്‍ഥികളുടെ ചോരവീണ ക്യാമ്പസ് കവാടത്തില്‍ കുത്തിയിരിക്കുന്ന യുവജനങ്ങളും നാട്ടുകാരും പൊലീസ്ഭീകരതയാല്‍ സമരത്തെ തകര്‍ക്കാനനുവദിക്കില്ലെന്ന് പ്രഖ്യാപിക്കുകയാണ്.
ReplyDeletepolice should have given an atom bomb.. that would have solved some issue....
ReplyDeletewhen you guys moved a criminal from one eng college to another, didn't you know all these rules?
ഇഷ്ടമില്ലാത്ത അച്ചി തൊട്ടതൊക്കെ കുറ്റം എന്ന രീതി ശരിയല്ലാ‍ാ മാഷെ!