എഴുതിയ ആളെ ഇടതുപക്ഷ ചിന്തകനായി അവതരിപ്പിക്കുന്ന കുറിപ്പില്‍ ലേഖനം എങ്ങനെ പ്രസിദ്ധീകരിക്കാന്‍ ഇടയായി എന്ന ചോദ്യത്തിന് മറുപടിയില്ല. ലേഖനത്തിന്റെ ഭാഷയെക്കുറിച്ച് "ലേഖകന്‍ സ്വതസ്സിദ്ധമായ ശൈലി ഉപയോഗിച്ചപ്പോള്‍ ചില അതിരുകടക്കലുകള്‍ വന്നതായി വ്യാഖ്യാനിക്കപ്പെട്ടു" എന്നാണുള്ളത്. കുറിപ്പിന്റെ പേരില്‍ സാമുദായിക സ്പര്‍ധ വളര്‍ത്തുംവിധം ചില മാധ്യമങ്ങള്‍ വിഷയം ഏറ്റെടുത്ത് വൈരം കൂട്ടാന്‍ ശ്രമിച്ചത് ഖേദകരമാണെന്നാണ് കുറ്റപ്പെടുത്തല്‍. "ചാനലുകള്‍ അടക്കമുള്ള മാധ്യമങ്ങള്‍ രാഷ്ട്രീയ നേതാക്കളെയും സമുദായ നേതാക്കളെയും കളിയാക്കാനും പരിഹസിക്കാനുമുള്ള സ്വാതന്ത്ര്യം യഥേഷ്ടം ഉപയോഗിക്കുമ്പോള്‍ ചന്ദ്രികക്ക് അതൊട്ടും പാടില്ലെന്ന് ശഠിക്കുന്ന മാധ്യമ ഫാസിസത്തില്‍ ഞങ്ങള്‍ക്ക് പ്രതിഷേധമുണ്ട്"എന്ന് പത്രം പറയുന്നു. പത്ര മാനേജ്മെന്റിന്റെയും ലീഗ് നേതാക്കളുടെയും സമ്മതത്തോടെയാണ് ലേഖനം പ്രസിദ്ധീകരിച്ചതെന്ന് ചൊവ്വാഴ്ച ഒന്നാംപേജില്‍ പ്രസിദ്ധീകരിച്ച വിശദീകരണത്തില്‍ വ്യക്തമാകുന്നു. അതോടൊപ്പം ലേഖനത്തിലെ ഉള്ളടക്കത്തില്‍ പത്രത്തിന് അഭിപ്രായഭിന്നതയില്ലെന്നും ലീഗ്പത്രം പരോക്ഷമായി സമ്മതിക്കുന്നു.
deshabhimani
No comments:
Post a Comment