സിപിഐ എം പാര്‍ടി കോണ്‍ഗ്രസിന്റെ സമാപനറാലിയും പൊതുസമ്മേളനവും നടന്ന എം കെ പന്ഥെ നഗറിലേക്ക് സന്ദര്‍ശക പ്രവാഹം. തിങ്കളാഴ്ച സമാപന കേന്ദ്രത്തിലെത്താന്‍ കഴിയാതിരുന്നവരാണ് ചരിത്രത്തില്‍ ഇടം നേടിയ സ്റ്റേജ് അടുത്തു കാണാന്‍ എത്തിയത്. സ്റ്റേജില്‍ കയറി ഫോട്ടോയെടുക്കാന്‍ ആളുകള്‍ തിരക്കുകൂട്ടി. ബീച്ചിലെത്തിയവരും കേന്ദ്രീകരിച്ചതോടെ സ്റ്റേജിനു മുന്നില്‍ വന്‍ തിരക്കായി. കൂടുതല്‍ ആളുകള്‍ കയറുമ്പോള്‍ അപകട സാധ്യതയുണ്ടാകുമെന്നതിനാല്‍ പൊലീസ് നിയന്ത്രണം ഏര്‍പ്പെടുത്തി. സമാപനറാലി നടന്ന ബീച്ചും പരിസരവും സംഘാടക സമിതിയുടെ നേതൃത്വത്തില്‍ ചൊവ്വാഴ്ച ശുചീകരിച്ചു. ജനസാഗരം സംഗമിച്ചപ്പോള്‍ ഇരിക്കാന്‍ ഉപയോഗിച്ച കടലാസ്, പ്ലാസ്റ്റിക് ഗ്ലാസുകള്‍, ഭക്ഷണപാദാര്‍ഥങ്ങള്‍ എന്നിവയെല്ലാം സിപിഐ എം പ്രവര്‍ത്തകരും തൊഴിലാളികളും യുവജനങ്ങളും ചേര്‍ന്ന് എടുത്തുമാറ്റി ബീച്ച് വെടിപ്പാക്കി.
deshabhimani 110412
No comments:
Post a Comment