ഇരുപതാം പാര്ടി കോണ്ഗ്രസില് പങ്കെടുത്ത ഏറ്റവും പ്രായം കൂടിയ പ്രതിനിധിയും പ്രായം കുറഞ്ഞ പ്രതിനിധിയും തമിഴ്നാട്ടില്നിന്ന്- 91 വയസ്സുള്ള ആര് ഉമാനാഥും 28 വയസ്സുള്ള ജെ രാജ്മോഹനും. വി എസ് അച്യുതാനന്ദനും പി കെ ചന്ദ്രാനന്ദനും 88 വയസ്സ്. തെരഞ്ഞെടുക്കപ്പെട്ട 733 പ്രതിനിധികളില് 727 പേരാണ് സമ്മേളനത്തില് പങ്കെടുത്തത്. 74 പേര് നിരീക്ഷകരാണ്. പിബി അംഗം ബുദ്ധദേവ് ഭട്ടാചാര്യ, കേന്ദ്രകമ്മിറ്റി അംഗങ്ങളായ സമര് മുഖര്ജി, എന് ശങ്കരയ്യ, കുമാര് ശിരല്ക്കര് എന്നിവര്ക്കും ത്രിപുരയിലെ രണ്ട് പ്രതിനിധികള്ക്കും എത്താനായില്ല.
പ്രതിനിധികളില് 646 പേര് പുരുഷന്മാരും 81 സ്ത്രീകളുമാണ്. നിരീക്ഷകരില് 64 പുരുഷന്മാരും 10 സ്ത്രീകളും. സ്വാതന്ത്ര്യത്തിനുമുമ്പ് കമ്യൂണിസ്റ്റ് പാര്ടിയില് ചേര്ന്ന ഏഴുപേരുണ്ട്. 1947നും 1963നുമിടെ എത്തിയവര് 63. 378 പ്രതിനിധികള് 1964നും 1977നും ഇടയില് പാര്ടിയില് വന്നവരാണ്. 1978നും 1990നും ഇടയില് വന്നവര് 224 പേര്. 1990നുശേഷം 53 പേര് പാര്ടിയിലെത്തി. ഉമാനാഥ് 1939 മുതലും വി എസ് 1940ലും ചന്ദ്രാനന്ദന് 1941ലും പാര്ടി അംഗങ്ങളായി. ഉമാനാഥ് ഒമ്പതര വര്ഷം ജയില്വാസമനുഭവിച്ചു. ബിനോയ് കൊനാര് ഒമ്പതുവര്ഷവും മൂന്ന് മാസവും ജയിലില് കിടന്നു. ചന്ദ്രാനന്ദന് പതിമൂന്നര വര്ഷം ഒളിവുജീവിതം നയിച്ചു. ഉമാനാഥ് 19 പാര്ടി കോണ്ഗ്രസുകളില് പങ്കെടുത്തു. വി എസ് 18 ലും എന് വരദരാജന് 17 കോണ്ഗ്രസിലും പങ്കാളിയായെന്ന് മദന് ഘോഷ് അവതരിപ്പിച്ച ക്രഡന്ഷ്യല് റിപ്പോര്ട്ടിലുണ്ട്. പ്രതിനിധികളില് 267 പേര് 50നും 60നും ഇടയില് പ്രായമുള്ളവരാണ്. 233 പേര് 60നും 70നും ഇടയില്. 105 പ്രതിനിധികള് 70 പിന്നിട്ടു. 40നും 50നും ഇടയില് 92 പേരും 30നും 40നും ഇടയില് 28 പേരുമുണ്ട്. രണ്ട് പ്രതിനിധികള്ക്ക് പ്രായം മുപ്പതില് താഴെ.
271 പ്രതിനിധികള് ബിരുദധാരികളാണ്. 197 പേര്ക്ക് ബിരുദാനന്തര ബിരുദമുണ്ട്. 674 പേര് വിവാഹിതരാണ്. 233 പേര് മധ്യവര്ഗത്തെയും 101 പ്രതിനിധികള് തൊഴിലാളിവര്ഗത്തെയും പ്രതിനിധീകരിക്കുന്നു. 118 ദരിദ്ര കര്ഷകരും 154 ഇടത്തരം കര്ഷകരും 31 കര്ഷകത്തൊഴിലാളികളും പ്രതിനിധികളായി. 624 പ്രതിനിധികള് മുഴുവന് സമയ പ്രവര്ത്തകരാണ്. 10 പേര് അഭിഭാഷകരും 15 പേര് അധ്യാപകരുമാണ്. രണ്ട് ഡോക്ടര്മാരും മൂന്ന് എന്ജിനിയര്മാരും ഉണ്ട്. 79 പ്രതിനിധികള് കേന്ദ്രകമ്മിറ്റി അംഗങ്ങളാണ്. 380 അംഗങ്ങള് സംസ്ഥാന കമ്മിറ്റിയിലും 203 പേര് ജില്ലാ കമ്മിറ്റിയിലും പ്രവര്ത്തിക്കുന്നു. 19 എംപിമാരും 38 എംഎല്എമാരും ഏഴ് മന്ത്രിമാരും സമ്മേളനത്തിനെത്തി. 154 പ്രതിനിധികളുടെ ആദ്യ പാര്ടി കോണ്ഗ്രസാണിത്. 415 പ്രതിനിധികള് വിവിധ സമരങ്ങളുമായി ബന്ധപ്പെട്ട് ജയിലില് കിടന്നു. അഞ്ച് പ്രതിനിധികള് അഞ്ചുവര്ഷത്തിന് മുകളില് ജയില്വാസമനുഭവിച്ചു. എം സി ജോസഫൈന്, പി സമ്പത്ത്, രാകേഷ് സിന്ഹ എന്നിവര് ക്രഡന്ഷ്യല് കമ്മിറ്റി അംഗങ്ങളാണ്.
എറ്റവും പ്രായംകൂടിയ പ്രതിനിധിമാത്രമല്ല, കൂടുതല് ജയില്വാസം അനുഭവിച്ച പ്രതിനിധിയും ഉമാനാഥ് തന്നെ. ഒമ്പത് വര്ഷവും ആറ് മാസവും. 19 പാര്ടി കോണ്ഗ്രസുകളില് പങ്കെടുത്ത റെക്കോഡുമുണ്ട്. മദിരാശി ഗൂഢാലോചനാ കേസില്പ്പെടുത്തിയാണ് രാമമൂര്ത്തിയോടൊപ്പം ജയിലിലടച്ചത്. പിന്നീട് നീണ്ട ജയില്വാസമായിരുന്നു ഉമാനാഥ് അനുഭവിച്ചത്. സമ്മേളന പ്രതിനിധികളില് ഏറ്റവും പ്രായംകൂടിയവരില് ഒരാള് മാത്രമല്ല, ഏറ്റവുമേറെക്കാലം പൊലീസിന്റെ കണ്ണുവെട്ടിച്ച് ഒളിവില് പ്രവര്ത്തിച്ച പാരമ്പര്യത്തിനും ഉടമയാണ് പി കെ സി. ഐതിഹാസികമായ പുന്നപ്ര-വയലാര് സമരത്തില് പുന്നപ്രയിലെ പോരാട്ടത്തിന് വാരിക്കുന്തവുമേന്തി ദിവാന് സര് സി പിയുടെ പൊലീസിനോട് നേര്ക്കുനേര് ഏറ്റുമുട്ടിയ പോരാളിയും കൂടിയാണ് പി കെ സി.
(ആര് രഞ്ജിത്)
deshabhimani 100412

ഇരുപതാം പാര്ടി കോണ്ഗ്രസില് പങ്കെടുത്ത ഏറ്റവും പ്രായം കൂടിയ പ്രതിനിധിയും പ്രായം കുറഞ്ഞ പ്രതിനിധിയും തമിഴ്നാട്ടില്നിന്ന്- 91 വയസ്സുള്ള ആര് ഉമാനാഥും 28 വയസ്സുള്ള ജെ രാജ്മോഹനും. വി എസ് അച്യുതാനന്ദനും പി കെ ചന്ദ്രാനന്ദനും 88 വയസ്സ്. തെരഞ്ഞെടുക്കപ്പെട്ട 733 പ്രതിനിധികളില് 727 പേരാണ് സമ്മേളനത്തില് പങ്കെടുത്തത്. 74 പേര് നിരീക്ഷകരാണ്. പിബി അംഗം ബുദ്ധദേവ് ഭട്ടാചാര്യ, കേന്ദ്രകമ്മിറ്റി അംഗങ്ങളായ സമര് മുഖര്ജി, എന് ശങ്കരയ്യ, കുമാര് ശിരല്ക്കര് എന്നിവര്ക്കും ത്രിപുരയിലെ രണ്ട് പ്രതിനിധികള്ക്കും എത്താനായില്ല.
ReplyDelete