Thursday, April 12, 2012
ബീച്ച് ക്ലീന്‍; "മനോരമ" മാലിന്യമേറ് തുടരുന്നു
ജനലക്ഷങ്ങളുടെ സാന്നിധ്യംകൊണ്ട് ചരിത്രത്തില്‍ ഇടം നേടിയ മഹാസമ്മേളനത്തിനുനേരെ "മനോരമ" മാലിന്യം എറിയുന്നു. സിപിഐ എം പാര്‍ടി കോണ്‍ഗ്രസിന്റെ സമാപന ചടങ്ങുകള്‍ നടന്ന ബീച്ച് പരിസരം മാലിന്യക്കൂമ്പാരമായെന്നാണ് മനോരമയുടെ കണ്ടെത്തല്‍. സമ്മേളനത്തിന്റെ പിറ്റേന്ന് ബീച്ച് പരിസരം പാര്‍ടി പ്രവര്‍ത്തകര്‍ ശുചീകരിച്ചത് മനോരമ കണ്ടില്ല. വിവിധ പത്രങ്ങള്‍ ശുചീകരണ വാര്‍ത്ത ചിത്രം സഹിതം നല്‍കിയപ്പോള്‍ മനോരമയില്‍ ശുചീകരണത്തിനു മുമ്പ് കടലാസുകള്‍ ചിതറിക്കിടക്കുന്ന ഫോട്ടോയും പാര്‍ടിയെ അധിക്ഷേപിക്കുന്ന വാര്‍ത്തയുമായിരുന്നു. അതിരാവിലെയെത്തി കടലാസുകളുടെ പടമെടുത്ത മനോരമ ശുചീകരിക്കുന്ന ഫോട്ടോ എടുക്കാത്തത് എന്തുകൊണ്ടെന്നന്വേഷിക്കേണ്ടതില്ല.
നഗരത്തില്‍ പൊതുപരിപാടികള്‍ നടന്നാല്‍ ശുചീകരിക്കുന്നത് നഗരസഭയാണ്. ആ ഉത്തരവാദിത്തമാണ് സിപിഐ എം പ്രവര്‍ത്തകര്‍ ഏറ്റെടുത്തത്. എന്നാല്‍, അതൊന്നും സിപിഐ എമ്മിനെ ആക്ഷേപിക്കുന്നതില്‍ നിന്ന് മനോരമയെ പിന്തിരിപ്പിച്ചില്ല. സമാപന റാലി ജനലക്ഷങ്ങളുടെ പങ്കാളിത്തംകൊണ്ടും പങ്കെടുത്തവര്‍ കാണിച്ച അച്ചടക്കംകൊണ്ടും എക്കാലവും ഓര്‍മിക്കപ്പെടും. അതിലുള്ള അരിശവും നൈരാശ്യവും മനോരമക്ക് അടക്കാന്‍ കഴിയുന്നില്ലെന്നാണ് "മാലിന്യ വാര്‍ത്ത" വ്യക്തമാക്കുന്നത്.
deshabhimani 120412
Subscribe to:
Post Comments (Atom)
ജനലക്ഷങ്ങളുടെ സാന്നിധ്യംകൊണ്ട് ചരിത്രത്തില്‍ ഇടം നേടിയ മഹാസമ്മേളനത്തിനുനേരെ "മനോരമ" മാലിന്യം എറിയുന്നു. സിപിഐ എം പാര്‍ടി കോണ്‍ഗ്രസിന്റെ സമാപന ചടങ്ങുകള്‍ നടന്ന ബീച്ച് പരിസരം മാലിന്യക്കൂമ്പാരമായെന്നാണ് മനോരമയുടെ കണ്ടെത്തല്‍. സമ്മേളനത്തിന്റെ പിറ്റേന്ന് ബീച്ച് പരിസരം പാര്‍ടി പ്രവര്‍ത്തകര്‍ ശുചീകരിച്ചത് മനോരമ കണ്ടില്ല. വിവിധ പത്രങ്ങള്‍ ശുചീകരണ വാര്‍ത്ത ചിത്രം സഹിതം നല്‍കിയപ്പോള്‍ മനോരമയില്‍ ശുചീകരണത്തിനു മുമ്പ് കടലാസുകള്‍ ചിതറിക്കിടക്കുന്ന ഫോട്ടോയും പാര്‍ടിയെ അധിക്ഷേപിക്കുന്ന വാര്‍ത്തയുമായിരുന്നു. അതിരാവിലെയെത്തി കടലാസുകളുടെ പടമെടുത്ത മനോരമ ശുചീകരിക്കുന്ന ഫോട്ടോ എടുക്കാത്തത് എന്തുകൊണ്ടെന്നന്വേഷിക്കേണ്ടതില്ല.
ReplyDelete