ശ്രീധരന്‍നായര്‍ പറഞ്ഞ പരാതിയനുസരിച്ചാണ് റിപ്പോര്‍ട്ട് തയ്യാറാക്കിയതെന്നും അഭിഭാഷകന്‍ സോണി അറിയിച്ചു. മുഖ്യമന്ത്രിയോട് ശ്രീധരന്‍ നായര്‍ സംസാരിച്ചതായി ഹര്‍ജിയിലുണ്ട്. എന്നാല്‍ ശ്രീധരന്‍ നായര്‍ നല്‍കിയ വിശദീകരണ കുറിപ്പിനെ കുറിച്ച് അറിയില്ല. താന്‍ പറഞ്ഞതനുസരിച്ചാണ് ഗുമസ്തന്‍ ഹര്‍ജി തയ്യാറാക്കിയത്. ഇതേകുറിച്ച് ഗുമസ്തന്‍ പൊലീസിന് കത്ത് നല്‍കിയിട്ടില്ലെന്നും സോണി അറിയിച്ചു. സരിതയേയും ബിജുരാധാകൃഷ്ണനേയും ജോപ്പനേയും മുഖ്യമന്ത്രിയുടെ ഓഫീസില്‍ വെച്ച് കണ്ട ശ്രീധരന്‍ നായര്‍ അന്ന് തന്നെ മുഖ്യമന്ത്രിയേയും കണ്ടിട്ടുണ്ടെന്നാണ് വ്യക്തമാകുന്നത്.
കൂടികാഴ്ച നടന്ന 2012 മെയ് ഒമ്പതിലാണ് ഇടപാടിനെ കുറിച്ച് ശ്രീധരന്‍ നായര്‍ കുടുതല്‍ ഉറപ്പുവരുത്തുന്നത്. അത് മുഖ്യമന്ത്രിയുമായുള്ള കൂടികാഴ്ചയിലൂടെ ആണെന്ന് വ്യക്തമാക്കാനാണ് പരാതിയില്‍ ഇത്കൂടി എഴുതിചേര്‍പ്പിച്ചത്. ഇത് തട്ടിപ്പില്‍ മുഖ്യമന്ത്രി ഉമ്മന്‍ചാണ്ടിക്കുള്ള നേരിട്ടുള്ള പങ്കാണ് വെളിവാക്കുന്നത്. എന്നാല്‍ പരാതി കോളിളക്കമായതോടെ തിരുത്തിയത് തന്റെ നിര്‍ദേശപ്രകാരമല്ലെന്ന് ശ്രീധരന്‍നായരുടേതായി ഒരു പത്രക്കുറിപ്പിറങ്ങിയിരുന്നു. ആ വാദമാണ് ഗുമസ്തന്റെ വെളിപ്പെടുത്തലിലൂടെ പൊളിഞ്ഞത്. എന്നാല്‍ ഗുമസ്തന്റെ പേരില്‍ കുറ്റംചാരി രക്ഷപെടാനുള്ള ശ്രമമുണ്ട് . ഗുമസ്തനെ കാണാനില്ലന്നും പറയുന്നു.
deshabhimani
No comments:
Post a Comment