ഹൈക്കോടതിയില്‍ മൂന്നാര്‍ ഭൂമികേസുകളുടെ ചുമതലയുണ്ടായിരുന്ന അഭിഭാഷകയില്‍നിന്ന് സ്വന്തക്കാരനായ മറ്റൊരാള്‍ക്ക് നിയമവകുപ്പ് കഴിഞ്ഞദിവസം മാറ്റി നല്‍കിയിരുന്നു. ഇതും വിവാദമായി. റവന്യു മന്ത്രിയടക്കം എതിര്‍പ്പുമുയര്‍ത്തി. ഇതോടെ ചുമതല പുനഃസ്ഥാപിച്ച് പുതിയ ഉത്തരവ് ഇറക്കുകയായിരുന്നു. മാത്യുവിന്റെ നിയമനവും പ്രശ്നമാകുമെന്ന് കണ്ടതോടെ ജില്ലയിലെ കോണ്‍ഗ്രസ് നേതൃത്വവും വ്യാഴാഴ്ച എതിര്‍പ്പുമായി രംഗത്തെത്തിയിരുന്നു. നിയമത്തിന്റെ ബുള്‍ഡോസര്‍ ഉരുളുമെന്ന സര്‍ക്കാരിന്റെ പ്രഖ്യാപിത നിലപാടില്‍നിന്ന് പിന്നോട്ടില്ലെന്നും ട്രൈബ്യൂണല്‍ പ്രവര്‍ത്തനം അട്ടിമറിക്കാന്‍ അനുവദിക്കില്ലെന്നും ഡിസിസി പ്രസിഡന്റ് റോയി കെ പൗലോസ് പറഞ്ഞു. വിപുലമായ അധികാരങ്ങളോടെ എല്‍ഡിഎഫ് സര്‍ക്കാരാണ് മൂന്നാര്‍ ട്രൈബ്യൂണല്‍ സ്ഥാപിച്ചത്. ജില്ലാ ജഡ്ജിയുടെ പദവിയിലുള്ളയാളാണ് ചെയര്‍മാന്‍ . അതുകൊണ്ടുതന്നെ സര്‍ക്കാര്‍ അഭിഭാഷകനും ജില്ല പ്ലീഡര്‍ - ഹൈക്കോടതി പ്ലീഡര്‍ നിലവാരത്തിലുള്ളയാളാകണം. ഈ മാനദണ്ഡങ്ങളും അട്ടിമറിച്ചാണ് കീഴ്കോടതിയില്‍ പ്ലീഡറായി പരിചയം മാത്രമുള്ള ബന്ധുവിനെ കെ എം മാണി നിയമിച്ചത്. സ്വന്തക്കാര്‍ കയ്യടക്കിയ ഭൂമി കൈവിട്ടുപോകരുതെന്ന ലക്ഷ്യം മാത്രമായിരുന്നു ഈ നിയമനത്തിനും പിന്നില്‍ . പ്രോസിക്യൂട്ടറായി മന്ത്രി കെ എം മാണിയുടെ ബന്ധു മാത്യുവിനെ നിയമിച്ചതില്‍ ആക്ഷേപമുണ്ടെങ്കില്‍ അന്വേഷിക്കുമെന്ന് മുഖ്യമന്ത്രി ഉമ്മന്‍ചാണ്ടി തിരുവനന്തപുരത്ത് പറഞ്ഞു. മാത്യു ചിത്തിരപുരത്ത് ഭൂമി കൈയേറിയതായി അറിവില്ലെന്നും മുഖ്യമന്ത്രി പറഞ്ഞു.
deshabhimani 181111
മൂന്നാര്‍ കൈയേറ്റക്കേസുകള്‍ പരിഗണിക്കാന്‍ രൂപീകരിച്ച മൂന്നാര്‍ ട്രിബ്യൂണലില്‍ സര്‍ക്കാര്‍ അഭിഭാഷകനായി മന്ത്രി മാണിയുടെ ബന്ധു. മൂന്നാറില്‍ സ്ഥലം കൈയേറിയെന്ന് ആരോപണമുള്ള അഭിഭാഷകനായ ഈ റിസോട്ട് ഉടമ, നിയമനം വിവാദമായതിനെ തുടര്‍ന്ന് രാജിസന്നദ്ധത അറിയിച്ചു. നിയമമന്ത്രി കെ എം മാണിയുടെ ഭാര്യാബന്ധുവും കേരള കോണ്‍ഗ്രസ് ദേവികുളം മണ്ഡലം പ്രസിഡന്റുമായ മാത്യുവിനെയാണ് ട്രിബ്യൂണലില്‍ സര്‍ക്കാര്‍ അഭിഭാഷകനായി നിയമിച്ചത്.
ReplyDelete