സ്വന്തം കമ്പനിയായ റിലയന്‍സ് ഇന്‍ഡസ്ട്രീസിന്റെ മേധാവിയായി ജോലിചെയ്യുന്നതിന് 15 കോടി രൂപ ശമ്പളം മതിയെന്ന് മുകേഷ് അംബാനി. ഇന്ത്യയിലെ ഏറ്റവും വലിയ സ്വകാര്യ കമ്പനിയുടെ അധിപനെന്ന നിലയില്‍ 38.93 കോടി രൂപ മുകേഷ് അംബാനിക്ക് വാര്‍ഷിക ശമ്പളം വാങ്ങാം. ശമ്പളത്തില്‍ 24 കോടി രൂപ വേണ്ടെന്ന് മുകേഷ് അംബാനി അറിയിച്ചെന്ന് കമ്പനി വാര്‍ത്താക്കുറിപ്പിറക്കി. 2007-08 കാലയളവില്‍ മുകേഷ് അംബാനി 44 കോടിയിലേറെയാണ് ശമ്പളം കൈപ്പറ്റിയത്. സിഇഒമാര്‍ അമിതശമ്പളം വാങ്ങുന്നത് വിവാദമായതോടെ 2009ല്‍ മുകേഷ് അംബാനിയുടെ ശമ്പളം 38.93 കോടിയാക്കി. എന്നാല്‍, അഞ്ചുവര്‍ഷമായി മുകേഷ് അംബാനി 15 കോടി രൂപയേ ശമ്പളം പറ്റുന്നുള്ളു എന്നാണ് കമ്പനിയുടെ അവകാശവാദം.
deshabhimani
No comments:
Post a Comment