നിലവില്‍ അരി മാത്രമാണ് സര്‍ക്കാര്‍ നല്‍കുന്നത്. കടല, പയര്‍, മുട്ട, പാല്‍, പാചകക്കൂലി എന്നിവക്കുള്ള ഫണ്ടാണ് ഡിപിഐ നല്‍കുന്നത്. ആഴ്ചയില്‍ രണ്ടുദിവസം പാലും ഒരുദിവസം മുട്ടയും വിതരണംചെയ്യണം. ഇതിനുള്ള പണം കണ്ടെത്താന്‍ സ്കൂള്‍ അധികൃതര്‍ പണിപ്പെടുകയാണ്. ഒരു വിദ്യാര്‍ഥിക്ക് അഞ്ച് രൂപ നിരക്കില്‍ തുഛമായ തുകയാണ് സര്‍ക്കാര്‍ അനുവദിക്കുന്നത്. നിലവിലെ വിലനിലവാരമനുസരിച്ച് ഇത് അപര്യാപ്തമാണ്. സ്കൂളിലെ വിദ്യാര്‍ഥികളുടെ എണ്ണം കണക്കാക്കി തുക വര്‍ധിപ്പിക്കണമെന്ന് ഉച്ചഭക്ഷണ വിതരണത്തിനുള്ള സംസ്ഥാനതല സമിതി സര്‍ക്കാരിനോട് ആവശ്യപ്പെട്ടിട്ടും നടന്നിട്ടില്ല. കഴിഞ്ഞ എല്‍ഡിഎഫ് സര്‍ക്കാരിന്റെ കാലത്ത് കുറ്റമറ്റരീതിയിലാണ് ഉച്ചഭക്ഷണ വിതരണം നടന്നത്. എഇഒ ഓഫീസ് വഴി ഭക്ഷണത്തിനാവശ്യമായ ഉല്‍പ്പന്നങ്ങളും സര്‍ക്കാര്‍ നേരിട്ടാണ് നല്‍കിയിരുന്നത്. യുഡിഎഫ് സര്‍ക്കാര്‍ അധികാരമേറ്റശേഷം അരി മാത്രമാണ് നല്‍കുന്നത്.
deshabhimani
No comments:
Post a Comment