കൊലപാതകക്കേസില്‍ ജീവപര്യന്തം ജയില്‍ ശിക്ഷയനുഭവിക്കുന്ന മെല്‍വിന്‍ പാദുവയടക്കം കണ്ണൂര്‍ സെന്‍ട്രല്‍ ജയിലിലെ 22 തടവുകാരെ മോചിപ്പിക്കാന്‍ മന്ത്രിസഭായോഗം തീരുമാനിച്ചു. ഇത് ഗവര്‍ണറുടെ അംഗീകാരത്തിന് നല്‍കും. ഗവര്‍ണര്‍ അംഗീകരിക്കുന്നതനുസരിച്ച് ഇവരുടെ ജയില്‍ മോചനം സാധ്യമാക്കും. ഇക്കാര്യം ആവശ്യപ്പെട്ട് ജയില്‍ ഉപദേശകസമിതിയോഗം സര്‍ക്കാരിന് ശുപാര്‍ശ നല്‍കിയിരുന്നു. കൊലപാതകക്കേസില്‍ 24 വര്‍ഷമായി മെല്‍വിന്‍ പാദുവ ജീവപര്യന്തം ശിക്ഷയനുഭവിച്ചുവരികയാണ്.
പാലാ മീനച്ചില്‍ സ്വദേശി മേസ്ത്രി ബാലന്‍, കൊയിലാണ്ടി ചാത്തനാരി വാസു, ജോസഫ് എന്ന സോജന്‍, കടുങ്ങോന്‍ കുഞ്ഞിക്കണ്ണന്‍, മകന്‍ മുരളീധരന്‍ തുടങ്ങി 22 പേരെയാണ് യോഗം മോചിപ്പിക്കാന്‍ ശുപാര്‍ശചെയ്തത്. മറ്റുള്ളവരുടെ പേരുകള്‍ പുറത്തു വിട്ടിട്ടില്ല.
deshabhimani
No comments:
Post a Comment