വിസ്തരിക്കേണ്ടവര്‍ ആരൊക്കെയാണെന്ന് നേരത്തേ അറിയിച്ചാല്‍ കോടതിയുടെ സമയം ലാഭിക്കാമെന്ന് വിസ്താരം നടക്കുന്ന പ്രത്യേക അഡീഷണല്‍ സെഷന്‍സ് കോടതി ജഡ്ജി ആര്‍ നാരായണ പിഷാരടി പ്രോസിക്യൂഷനോട് പറഞ്ഞു. 119 മുതല്‍ 125 വരെയുള്ള സാക്ഷികളില്‍ 122, 123 ഒഴികെയുള്ള സാക്ഷികളെ വിസതരിക്കേണ്ടതുണ്ടോ എന്ന് അറിയിക്കണമെന്ന് ജഡ്ജി ആവശ്യപ്പെട്ടു. അതേസമയം കേസിലെ മറ്റൊരു സാക്ഷികൂടി പൊലീസ് തയ്യാറാക്കിയ കള്ളമൊഴി കോടതിയില്‍ നിഷേധിച്ചു. 46-ാം സാക്ഷി സി അനൂപാണ് പ്രോസിക്യൂഷന്റെ വിസ്താരത്തില്‍ പൊലീസിന്റെ മൊഴി നിഷേധിച്ചത്. പൊലീസ് പിടിച്ചുകൊണ്ടുപോകുമെന്ന് ഭയപ്പെടുത്തിയതിനാലാണ് കടലാസില്‍ ഒപ്പിട്ടത്. പ്രോസിക്യൂട്ടര്‍ വായിച്ചു കേള്‍പ്പിച്ച ശേഷമാണ് കടലാസില്‍ എന്താണ് എഴുതിയതെന്ന് മനസിലായതെന്നും ഇയാള്‍ കോടതിയില്‍ പറഞ്ഞു.
കാരായി രാജനെതിരെ തെളിവില്ലാതായി
കോഴിക്കോട്: ചന്ദ്രശേഖരന്‍ വധക്കേസില്‍ കാരായി രാജനെതിരെ പൊലീസ് അവതരിപ്പിച്ച രണ്ട് സാക്ഷികളെക്കൂടി വിസ്തരിക്കുന്നതില്‍നിന്ന് പ്രോസിക്യൂഷന്‍ പിന്മാറി. ഇതോടെ കാരായി രാജനെതിരെ കേസില്‍ തെളിവില്ലാതായി. 163-ാം സാക്ഷി കതിരൂര്‍ കളവട്ടത്ത്പ്രകാശന്‍, 164-ാം സാക്ഷി എരുവട്ടി കിഴക്കേകരമ്മല്‍ ഷിനോദ് താറ്റിയോട്ട് എന്നിവരെയാണ് വിസ്തരിക്കുന്നില്ലെന്ന് ജഡ്ജി ആര്‍ നാരായണ പിഷാരടിയെ പ്രോസിക്യൂഷന്‍ അറിയിച്ചത്. ഇവരുടെ മൊഴിയുടെ അടിസ്ഥാനത്തിലാണ് കാരായി രാജനെ അറസ്റ്റ് ചെയ്ത് ജയിലിലടച്ചത്. കല്യാണവീട്ടില്‍ കാരായി രാജന്‍ കൊടി സുനിയുമായി സംസാരിക്കുന്നത് കണ്ടെന്നായിരുന്നു ഇവരുടെ മൊഴി. കേസില്‍ കാരായിക്കെതിരെ മൊഴി നല്‍കിയ മറ്റൊരു സാക്ഷിയെ വിസ്തരിക്കുന്നതില്‍നിന്ന് പ്രോസിക്യൂഷന്‍ നേരത്തേ പിന്മാറിയിരുന്നു.
No comments:
Post a Comment