പട്ടികവര്‍ഗവകുപ്പിന്റെ കീഴില്‍ നടപ്പാക്കുന്ന പദ്ധതിയാണിത്. കഴിഞ്ഞ ആഗസ്ത് മാസത്തോടെയാണ് ജില്ലയില്‍ പദ്ധതി തുടങ്ങിയത്. മാനന്തവാടി ഉപജില്ലയില്‍ ഇതിനകം 37 സ്കൂളില്‍ പദ്ധതി നടപ്പാക്കിയത്. മറ്റ് 30ഓളം സ്കൂളുകള്‍ നടപടികള്‍ പൂര്‍ത്തിയാക്കി പട്ടികവര്‍ഗവകുപ്പിന്റെ അനുമതിക്കായി കാത്തിരിക്കുകയാണ്. ബത്തേരി, വൈത്തിരി ഉപജില്ലകളിലും പദ്ധതി തുടങ്ങിയിട്ടുണ്ട്. മുഴുവന്‍ സ്കൂള്‍ അധികൃതരും പദ്ധതി തുടങ്ങാനുള്ള ഒരുക്കങ്ങള്‍ നടത്തുന്നതിനിടെയാണ് തുടങ്ങിയ സ്കൂളുകളില്‍തന്നെ നിര്‍ത്താന്‍ പട്ടികവര്‍ഗവകുപ്പിന്റെ നിര്‍ദേശം. വകുപ്പ് മന്ത്രിയുടെ മണ്ഡലത്തില്‍ തന്നെയാണ് ആദ്യം പദ്ധതിയുടെ ചരമക്കുറിപ്പെഴുതിയത്. 15 ലക്ഷം രൂപയാണ് ഓരോ താലൂക്കിനും അനുവദിച്ചിരുന്നത്. ഈ തുക തീര്‍ന്നതാണ് പദ്ധതി നിലയ്ക്കാന്‍ കാരണം.
സ്കൂളുകളില്‍ പ്രത്യേക കമ്മിറ്റി രൂപീകരിച്ച് ഇതിന്റെ മേല്‍നോട്ടത്തില്‍വേണം പദ്ധതി നടപ്പാക്കാന്‍. കമ്മിറ്റി കണ്‍വീനറുടെയും പ്രധാനാധ്യാപകന്റെയും പേരില്‍ ബാങ്കില്‍ ജോയിന്റ് അക്കൗണ്ട് എടുക്കണം. വാഹനത്തിനായി ടാക്സി ഉടമകളില്‍നിന്നും ക്വട്ടേഷന്‍ വിളിക്കണം. ഈ നടപടികള്‍ പൂര്‍ത്തിയാക്കി വാഹനങ്ങളില്‍ കുട്ടികളെ കൊണ്ടുവന്നുതുടങ്ങിയ സ്കൂളുകളിലാണ് ആഴ്ചകള്‍ക്കകം പദ്ധതി നിലച്ചത്. കഴിഞ്ഞ അധ്യയനവര്‍ഷം ജില്ലയിലെ ചില സ്കൂളുകളില്‍ പദ്ധതി നടപ്പാക്കിയിരുന്നു. ഇതാണ് ഇത്തവണ കൊട്ടിഘോഷിച്ച് സംസ്ഥാനടിസ്ഥാനത്തിലേക്ക് വ്യാപിപ്പിച്ചത്. ബജറ്റില്‍ ഇതുസംബന്ധിച്ച പ്രഖ്യാപനവും നടത്തി. എന്നാല്‍ കുറഞ്ഞ തുക മാത്രമാണ് വകയിരുത്തിയത്. ഇതാണ് ആരംഭത്തില്‍തന്നെ പദ്ധതി നിലയ്ക്കാന്‍ ഇടയാക്കിയത്.
ചുമലില്‍ ജീവിത ഭാരം
deshabhimani
No comments:
Post a Comment