കണ്ടെത്താന്‍ കഴിയാത്ത കുട്ടികള്‍ കൊല്ലപ്പെടുകയോ ഭിക്ഷാടനത്തിന് നിയോഗിക്കപ്പെടുകയോ ലൈംഗികത്തൊഴിലാളികളായി മാറുകയോ ചെയ്തിട്ടുണ്ടാകാമെന്നാണ് ഈ രംഗത്തു പ്രവര്‍ത്തിക്കുന്നവരുടെ അഭിപ്രായം. കുട്ടികളെ കാണാതായശേഷമുള്ള 24 മണിക്കൂറിനുള്ളില്‍ പരാതി നല്‍കാത്തതാണ് ഇവരെ കണ്ടെത്താന്‍ ബുദ്ധിമുട്ടുണ്ടാക്കുന്നത്. സാമൂഹികമായും സാമ്പത്തികമായും മുന്നിലുള്ള സംസ്ഥാനങ്ങളില്‍നിന്നു മാത്രമാണ് പരാതികള്‍ കൂടുതലായി രജിസ്റ്റര്‍ചെയ്തത്. പിന്നോക്കാവസ്ഥയിലുള്ള സംസ്ഥാനങ്ങളില്‍നിന്ന് പരാതി നല്‍കാന്‍പോലും തയ്യാറാവുന്നില്ല. പൊലീസ് സ്റ്റേഷനുകളില്‍നിന്നുള്ള മോശമായ പെരുമാറ്റമാണ് പരാതി നല്‍കുന്നതില്‍നിന്ന് ജനങ്ങളെ പിന്തിരിപ്പിക്കുന്നത്. ഭിക്ഷാടനത്തിനും മറ്റുമായി കുട്ടികളെ തട്ടിക്കൊണ്ടുപോകുന്ന സ്ഥിരം സംഘങ്ങളെ കണ്ടുപിടിക്കുന്നതിലും ഇവരെക്കുറിച്ചുള്ള വിവരങ്ങള്‍ ശേഖരിക്കുന്നതിലും പൊലീസുകാരുടെ ഭാഗത്തുനിന്ന് വീഴ്ചയുണ്ട്. കുട്ടികളെ കാണാതാവുന്ന സംഭവങ്ങള്‍ അന്വേഷിക്കാന്‍ പരിശീലനം ലഭിച്ച പ്രത്യേക സംഘത്തെ നിയമിക്കണമെന്ന സുപ്രീം കോടതിയുടെ നിര്‍ദേശം പാലിക്കപ്പെടാത്തതും ഇവരെ കണ്ടെത്തുന്നതിന് തിരിച്ചടിയാകുന്നു.
deshabhimani
No comments:
Post a Comment