എന്നാല്‍ ക്രിമിനല്‍ക്കേസുകള്‍ സമൂഹത്തിനെതിരായ കുറ്റകൃത്യമാണെന്നും ഇത്തരം സാഹചര്യങ്ങളില്‍ കേസന്വേഷണത്തിലെ അപാകങ്ങള്‍ കോടതിയുടെ ശ്രദ്ധയില്‍പ്പെടുത്താന്‍ ഏതൊരു പൗരനും അവകാശമുണ്ടെന്നും ഹര്‍ജിഭാഗത്തിനുവേണ്ടി ഹാജരായ മുതിര്‍ന്ന അഭിഭാഷകന്‍ രഞ്ജിത് തമ്പാന്‍ വാദിച്ചു. കേസില്‍ മുഖ്യമന്ത്രിയുടെ പങ്കാളിത്തത്തെക്കുറിച്ച് സര്‍ക്കാര്‍ ചീഫ്വിപ്പ് പി സി ജോര്‍ജ് കോണ്‍ഗ്രസ് അധ്യക്ഷ സോണിയഗാന്ധിക്ക് അയച്ച കത്തും അഭിഭാഷകന്‍ കോടതിയുടെ ശ്രദ്ധയില്‍പ്പെടുത്തി. ശ്രീധരന്‍ നായരുടെ രഹസ്യമൊഴി പുറത്തുവിടാന്‍ അന്വേഷണസംഘമോ മജിസ്ട്രേട്ടോ ഇതുവരെ തയ്യാറായിട്ടില്ലെന്നും രഹസ്യമൊഴി പരിശോധിച്ചാല്‍ മുഖ്യമന്ത്രിയുടെ പങ്ക് പുറത്തുവരുമെന്നും ഹര്‍ജിക്കാരന്‍ വാദിച്ചു. ഹര്‍ജി കൂടുതല്‍ വാദത്തിനായി കോടതി ബുധനാഴ്ചത്തേക്കു മാറ്റി.
deshabhimani
No comments:
Post a Comment