പാട്യം: അഴിമതിയുടെ കാര്യത്തില്‍ ബിജെപിയും കോണ്‍ഗ്രസും ഒന്നാണെന്ന് സിപിഐ എം തമിഴ്നാട് സംസ്ഥാനകമ്മിറ്റി അംഗം ഭീംറാവും എംഎല്‍എ. കേന്ദ്രത്തിലെ കോണ്‍ഗ്രസും കര്‍ണാടകത്തില്‍ മുന്‍ബിജെപിസര്‍ക്കാരും അഴിമതി നടത്താനാണ് മത്സരിച്ചത്. കുത്തകമുതലാളിമാരുടെ വളര്‍ച്ചയാണ് രണ്ടുഭരണത്തിലുമുണ്ടായത്. ജാതിയും മതവും പറഞ്ഞ് നാടിനെ ഭിന്നിപ്പിക്കാനാണ് ബിജെപി ശ്രമിക്കുന്നതെന്നും അദ്ദേഹം പറഞ്ഞു. പാട്യംദിനത്തോടനുബന്ധിച്ച് സംഘടിപ്പിച്ച തമിഴ്മക്കള്‍ സംഗമം ഉദ്ഘാടനംചെയ്യുകയായിരുന്നു അദ്ദേഹം. മ
ധുര തലസ്ഥാനമാക്കി പുതിയസംസ്ഥാനമെന്ന വാദമാണിപ്പോള്‍ തമിഴ്നാട്ടില്‍ ഉയരുന്നത്. ഒരേഭാഷ സംസാരിക്കുന്ന ആന്ധ്രയെ വിഭജിക്കാന്‍ കോണ്‍ഗ്രസ് സര്‍ക്കാര്‍ അനുമതി നല്‍കിയതിന്റെ ഫലമായാണിത്. ശ്രീലങ്കയില്‍ തമിഴ്ഈഴമെന്ന വാദം അപ്രായോഗികമാണ്. ശ്രീലങ്കയിലെ തമിഴ്വംശജരെ സംരക്ഷിക്കാന്‍ കേന്ദ്രം ഇടപെടണമെന്ന് ആവശ്യപ്പെടുന്നുണ്ടെങ്കിലും ഒന്നുംചെയ്യുന്നില്ല. മദ്യപാനശീലത്തില്‍നിന്ന് മറുനാടന്‍ തമിഴ്മക്കള്‍ മാറിനില്‍ക്കണമെന്നും ഭീംറാവു പറഞ്ഞു.
deshabhimani
No comments:
Post a Comment