വികസനത്തിന്റെ അടിസ്ഥാനത്തില്‍ ഇന്ത്യന്‍ സംസ്ഥാനങ്ങളെ തരംതിരിച്ച് റിസര്‍വ് ബാങ്ക് ഗവര്‍ണര്‍ രഘുറാം രാജന്റെ നേതൃത്വത്തിലുള്ള പത്തംഗ സാമ്പത്തിക വിദഗ്ധര്‍ നടത്തിയ പഠനത്തില്‍ കേരളം രണ്ടാമത്. ഗോവയാണ് ഒന്നാംസ്ഥാനത്ത്. പട്ടികയില്‍ ഗുജറാത്ത് 12ാം സ്ഥാനത്താണ്.
ഗോവ മാത്രമാണ് വികസിത സംസ്ഥാനങ്ങളുടെ പട്ടികയില്‍ കേരളത്തിനു മുന്നിലുള്ളത്. തമിഴ്നാട്, പഞ്ചാബ്, മഹാരാഷ്ട്ര, ഉത്തരാഖണ്ഡ്, ഹരിയാന എന്നിവയാണ് വികസിത സംസ്ഥാനങ്ങളുടെ പട്ടികയിലുള്‍പ്പെട്ടത്. ഗുജറാത്ത് വികസ്വര സംസ്ഥാനങ്ങളുടെ പട്ടികയിലാണ്. ഒട്ടും വികസനമെത്താത്ത പത്ത് സംസ്ഥാനങ്ങളാണുള്ളതെന്നാണ് കമ്മറ്റിയുടെ വിലയിരുത്തല്‍. ഒഡീഷ, ബിഹാര്‍, മധ്യപ്രദേശ്, ചണ്ഡിഗഡ്, ജാര്‍ഖണ്ഡ്, അരുണാചല്‍പ്രദേശ്, അസം, മേഘാലയ, ഉത്തര്‍പ്രദേശ്, രാജസ്ഥാന്‍ എന്നിവയാണവ.
ബിഹാര്‍ ഉള്‍പ്പെടെയുള്ള ഏതാനും സംസ്ഥാനങ്ങള്‍ കൂടുതല്‍ കേന്ദ്ര സഹായത്തിനായി പിന്നോക്ക പദവി ആവശ്യപ്പെട്ട സാഹചര്യത്തിലായിരുന്നു ധനകാര്യ മന്ത്രാലത്തിലെ മുഖ്യ സാമ്പത്തിക ഉപദേഷ്ടാവായിരുന്ന രഘുറാം രാജന്റെ നേതൃത്വത്തില്‍ ഇതേക്കുറിച്ച് പഠിക്കാന്‍ സമിതിക്ക് രൂപം നല്‍കിയത്. ധനമന്ത്രി പി ചിദംബരമാണ് സമിതി റിപ്പോര്‍ട്ടിന്റെ വിശദാംശങ്ങള്‍ അറിയിച്ചത്.
deshabhimani
No comments:
Post a Comment