എന്നാല്‍ കഴിഞ്ഞ രണ്ടുവര്‍ഷത്തോളമായി വനം വകുപ്പ് അധികൃതരുടെ അനാസ്ഥ കാരണം മദ്യപാനികളുടെയും സാമൂഹ്യവിരുദ്ധരുടെയും താവളമായി ജാനകിക്കാട് ഇക്കോടൂറിസ്റ്റ് കേന്ദ്രം മാറിയതായി സമീപ വാസികള്‍ പറയുന്നു. വനസംരക്ഷണത്തിനായി ഒരു ഫോറസ്റ്റ് ഗാര്‍ഡും മൂന്ന്ഗൈഡുകളും മാത്രമേയുള്ളൂ. ഗൈഡുകളില്‍ രണ്ട് സ്ത്രീകളാണ്. കാടിന്റെ വിവിധ ഭാഗങ്ങളിലൂടെ അകത്തേക്ക് വഴിയുള്ളതിനാല്‍ വനം കാവല്‍കാര്‍ക്ക് ഒന്നും അറിയാന്‍ കഴിയില്ല. ഒരു പ്രധാന കവാടത്തില്‍ മാത്രമാണ് ടിക്കറ്റ് കൗണ്ടറുകളും നാല് ജീവനക്കാരുമുണ്ടാകുക. ബിനോയ്വിശ്വം വനം മന്ത്രിയായപ്പോള്‍ രൂപ കല്‍പ്പന ചെയ്ത് നടപ്പിലാക്കിയ പദ്ധതികളൊന്നും ഇന്ന് നിലവിലില്ല. ജാനകിക്കാടിനോട് ചേര്‍ന്ന് പുറമ്പോക്ക് ഭൂമിയിലെ 19-ഓളം കുടുംബങ്ങളില്‍ എട്ട് കുടുംബം മാത്രമെ ഇവിടെ താമസമുള്ളൂ. റിയല്‍ എസ്റ്റേറ്റുകാര്‍ 11കുടുംബങ്ങളില്‍നിന്നും പുറമ്പോക്ക് ഭൂമി മോഹവില കൊടുത്ത് കൈവശപ്പെടുത്തിയിരിക്കുകയാണ്. നേരത്തെ ഉണ്ടായിരുന്ന അഞ്ചോളം ഏറുമാടങ്ങള്‍ പൂര്‍ണമായും സാമൂഹ്യവിരുദ്ധര്‍ നശിപ്പിച്ചു. ഫിഷിങ്ങും റിവര്‍ റാഫ്റ്റിങ്ങും മുളച്ചങ്ങാടവും ഇന്റര്‍പ്രട്ടേഷന്‍ സെന്ററും ടച്ച്സ്ക്രീനും ഔഷധത്തോട്ടവും പൂര്‍ണമായും നശിച്ചു. ലക്ഷങ്ങള്‍ മുടക്കി ഇക്കോ ടൂറിസ്റ്റ് കേന്ദ്രത്തില്‍ സ്ഥാപിച്ച മണ്ണിലും മറ്റും നിര്‍മിച്ച കരകൗശല വസ്തുക്കളും പ്രവേശന കവാടവും തകര്‍ന്ന നിലയിലാണ്.
ജാനകിക്കാട്ടില്‍ കോഴിക്കോട്ട്നിന്നും പേരാമ്പ്ര- പാലേരി- ഒറ്റക്കണ്ടം വഴിയും, വടകരയില്‍നിന്ന് കുറ്റ്യാടി- മരുതോങ്കരവഴിയും, തലശേരിയില്‍നിന്നും നാദാപുരം കുറ്റ്യാടി- മരുതോങ്കര വഴിയും വയനാട്ടില്‍നിന്ന് തൊട്ടില്‍പാലം- മുള്ളന്‍കുന്ന് വഴിയും എത്തിച്ചേരാന്‍ കഴിയും. അധികൃതരുടെ നിസ്സംഗത കാരണം സാമൂഹ്യ വിരുദ്ധരുടെ വിനോദ കേന്ദ്രമായി മാറിയിരിക്കുകയാണ് ഈ വിനോദ സഞ്ചാര കേന്ദ്രം. ആവശ്യത്തിന് ജീവനക്കാരേയും നിലവിലുള്ള പദ്ധതികള്‍ പുനരാംരംഭിച്ചും കേന്ദ്രത്തെ ഉയര്‍ത്തണമെന്ന ആവശ്യക്കാരാണ് ഈപ്രദേശത്തെ ജനങ്ങള്‍.
deshabhimani
No comments:
Post a Comment