കരിപ്പുര്‍, നെടുമ്പാശേരി, തിരുവനന്തപുരം വിമാനത്താവളങ്ങളിലായി ഏഴായിരത്തിലധികം തൊഴിലാളികള്‍ ഈ മേഖലയില്‍ ജോലിചെയ്യുന്നു. തിരുവനന്തപുരം വിമാനത്താവളത്തില്‍ യാത്രക്കാര്‍ക്കുള്ള സേവനങ്ങള്‍ നല്‍കുന്നത് വ്യവസായവകുപ്പിനു കീഴിലുള്ള കേരള സ്റ്റേറ്റ് ഇന്‍ഡസ്ട്രിയല്‍ എന്റര്‍പ്രൈസസ് (കെഎസ്ഐഇ) ആണ്. ഇതിന്റെ നിയന്ത്രണത്തില്‍, സിംഗപ്പുര്‍ ആസ്ഥാനമായ സാക്സ് (ഇവിടെ എയര്‍ഇന്ത്യ സാക്സ്) എന്ന കമ്പനിയാണ് ഗ്രൗണ്ട് ഹാന്‍ഡ്ലിങ്, എയര്‍ കാര്‍ഗോ ജോലികള്‍ ചെയ്യുന്നത്. തിരുവനന്തപുരം, നെടുമ്പാശേരി, കരിപ്പുര്‍ എന്നിവിടങ്ങളിലെ കാര്‍ഗോ കോംപ്ലക്സുകള്‍ പൂര്‍ണമായി ഈ കമ്പനിക്കു കൈമാറാനാണ് നീക്കം. ഇതോടെ കെഎസ്ഐഇ അടച്ചുപൂട്ടേണ്ടിവരും. വ്യവസായവകുപ്പിന്റെ മൗനാനുവാദത്തോടെയാണ് സിംഗപ്പുര്‍ കമ്പനിയുടെ നീക്കം. പൊതുമേഖലാ സ്ഥാപനമാണെന്നു പറഞ്ഞ് എയര്‍ഇന്ത്യ സാക്സ് സര്‍ക്കാരിനെയും പൊതുജനങ്ങളെയും കബളിപ്പിക്കുകയാണ്. ഇവര്‍ അഞ്ചുവര്‍ഷമായി എയര്‍ ഇന്ത്യക്ക് ലാഭവിഹിതം നല്‍കിയിട്ടില്ല. ഇതേപ്പറ്റി അന്വേഷണം നടത്തണമെന്നാവശ്യപ്പെട്ട് കേന്ദ്ര വിജിലന്‍സ് കമീഷണര്‍ക്ക് ഐഎന്‍ടിയുസി പരാതി നല്‍കിയിട്ടുണ്ട്- വി പി ജോര്‍ജ് പറഞ്ഞു.
ജനറല്‍ സെക്രട്ടറി ജീമോന്‍ കൈയാല, സെക്രട്ടറിമാരായ ഷിജോ തച്ചപ്പിള്ളി, രഞ്ജിത് മത്തായി എന്നിവരും വാര്‍ത്താ സമ്മേളനത്തില്‍ പങ്കെടുത്തു.
deshabhimani
No comments:
Post a Comment