ക്ലബ്ബുകള്‍ സംഘടിപ്പിക്കുന്ന പരിപാടികളില്‍ ജനപ്രതിനിധികള്‍ പങ്കെടുക്കുന്നത് സാധാരണമാണ്. വിവിധ രാഷ്ട്രീയ പാര്‍ടികളില്‍പ്പെട്ട നിരവധിപേര്‍ തട്ടുകടവ് ജലോത്സവത്തില്‍ പങ്കെടുത്തിരുന്നു. എന്നാല്‍ ഈ വിഷയവുമായി ബന്ധപ്പെട്ട് സിപിഐ എം ടൗണ്‍ ഈസ്റ്റ് ലോക്കല്‍ കമ്മിറ്റിയിലോ പാര്‍ടിപ്രവര്‍ത്തകര്‍ക്കിടയിലോആശയക്കുഴപ്പം ഇല്ലെന്നിരിക്കെ മാതൃഭൂമിയില്‍ വന്ന വാര്‍ത്തയും ഇതുസംബന്ധിച്ച് പാര്‍ടിക്കെതിരെ കുബുദ്ധികള്‍ നടത്തുന്ന പ്രചാരണങ്ങളും ഒറ്റക്കെട്ടായി തള്ളിക്കളയണമെന്ന് ടി എസ് ബേബി ആവശ്യപ്പെട്ടു.
വള്ളംകളി മത്സരം ആകര്‍ഷകമാക്കുന്നതിന് സ്പോണ്‍സര്‍മാരായ പറവൂര്‍ മെറ്റല്‍സ് ചിയര്‍ ഗേള്‍സിനെ പങ്കെടുപ്പിക്കുന്നതിന് തീരുമാനിച്ചപ്പോള്‍ തങ്ങള്‍ സന്തോഷപൂര്‍വം ഇതിനെ അംഗീകരിക്കുകയായിരുന്നുവെന്ന് കലാദര്‍ശന്‍ ആര്‍ട്സ് ആന്‍ഡ് സ്പോര്‍ട്സ് ക്ലബ് ഭാരവാഹികള്‍ വാര്‍ത്താക്കുറിപ്പില്‍ അറിയിച്ചു. ഇതിന്റെ പേരില്‍ ക്ലബ്ബിന്റെ രക്ഷാധികാരിയെയും ചടങ്ങില്‍ പങ്കെടുത്ത മറ്റ് സാമൂഹിക രാഷ്ട്രീയ സംഘടനാ പ്രവര്‍ത്തകരെയും ആക്ഷേപിക്കുന്ന തരത്തില്‍ ഒരു പത്രത്തില്‍ വന്ന വാര്‍ത്ത ഖേദകരമാണെന്ന് പത്രക്കുറിപ്പില്‍ പറയുന്നു.
deshabhimani
No comments:
Post a Comment