ഇന്ത്യ-പാകിസ്ഥാന്‍ സൂഫി സംഗീതപാരമ്പര്യം വിളിച്ചറിയിക്കാന്‍ ഇന്ദിരാഗാന്ധി നാഷണല്‍ സെന്ററില്‍ അരങ്ങേറിയ സിന്ധി സൂഫി സംഗീതമേള ശിവസൈനികര്‍ അലങ്കോലമാക്കി. പാക് നാടോടി ഗായിക സനം മാര്‍വിയുടെ പരിപാടി നടക്കുന്ന വേദിയിലേക്ക് ഇരച്ചുകയറിയ അരഡസനോളം ശിവസേനക്കാര്‍ വേദി അലങ്കോലമാക്കി. ശ്രീനഗറില്‍ സിആര്‍പിഎഫ് ക്യാമ്പിലേക്ക് ഭീകരാക്രമണമുണ്ടായ സാഹചര്യത്തില്‍ പാക് ഗായികയെ ഇന്ത്യയില്‍ പാടാന്‍ അനുവദിക്കില്ലെന്നായിരുന്നു ഇവരുടെ വാദം. വന്‍ പൊലീസ് സുരക്ഷ ഒരുക്കിയ വേദിയിലായിരുന്നു ശിവസേനക്കാരുടെ അഴിഞ്ഞാട്ടം.
നേരത്തെ ശിവസേനക്കാര്‍ വേദിക്ക് പുറത്ത് പ്രതിഷേധ പ്രകടനം നടത്തിയിരുന്നു. മുന്നറിയിപ്പ് ഉണ്ടായിട്ടും പരിപാടി അലങ്കോലമാക്കാനെത്തിയവരെ തടയാന്‍ പൊലീസിനായില്ല. രണ്ടു ദിവസത്തെ സംഗീത വിരുന്നില്‍ ഇന്ത്യയില്‍നിന്നും പാകിസ്ഥാനില്‍നിന്നുമുള്ള സൂഫിഗായകരാണ് പങ്കെടുത്തത്.
deshabhimani 180313
No comments:
Post a Comment