.jpg)
അറുപതാമത് ദേശീയ ചലച്ചിത്ര അവാര്‍ഡുകള്‍ പ്രഖ്യാപിച്ചു. ശിവാജി ലോത്തന്‍ പാട്ടീലാണ് സംവിധായകന്‍,പാന്‍സിങ്ങ് തോമര്‍ മികച്ച സിനിമയായി. നല്ല നടനുള്ള പുരസ്കാരം ഇര്‍ഫാന്‍ ഖാനും വിക്രം ഗോഖ്ലെയും പങ്കിട്ടു. മറാത്തി നടി ഉഷായാദവ് അഭിനേത്രിയായി.
മികച്ച മലയാള സിനിമക്കുള്ള പുരസ്കാരത്തിന് സെല്ലുലോയ്ഡ് അര്‍ഹമായി. കളിയഛനിലെ പശ്ചാത്തലസംഗീതത്തിന് ബിജിബാലിനും അവാര്‍ഡുണ്ട്. ജനപ്രിയ ചിത്രം ഉസ്താദ് ഹോട്ടലാണ്.ഈ ചിത്രത്തില്‍ സംഭാഷണമെഴുതിയ അഞ്ജലിമേനോനും പുരസ്കാരം നേടി. തനിച്ചല്ല ഞാനിലെ അഭിനയത്തിന് കല്‍പന മികച്ച സഹനടിയായി ഒഴിമുറിക്കും അതിലെ അഭിനയത്തിന് ലാലിനും ജൂറിയുടെ പ്രത്യേക പരാമര്‍ശമുണ്ട്. ഉസ്താദ് ഹോട്ടലിലെ അഭിനയത്തിന് തിലകനെ ജൂറി പ്രത്യേകം പരാമര്‍ശിച്ചു. ലിസ്റ്റിന്‍ സ്റ്റീഫന്‍ മികച്ച നിര്‍മ്മാതാവായി. രഞ്ജിത്ത് സംവിധാനം ചെയ്ത സ്പിരിറ്റ് സാമൂഹ്യപ്രതിബദ്ധതയുള്ള ചിത്രമായി.
ശങ്കര്‍ മഹാദേവനാണ് ഗായകന്‍.പതിമൂന്നു അവാര്‍ഡുകള്‍ മലയാളത്തിനു കിട്ടി. 101 ചോദ്യങ്ങള്‍ എന്ന സിനിമയൊരുക്കിയ സിദ്ധാര്‍ഥ് ശിവ നവാഗതസംവിധായകനായി. ഈ ചിത്രത്തില്‍ അഭിനയിച്ച മിനന്‍ ബാലതാരമായി. ശബ്ദമിശ്രണത്തിനുള്ള പുരസ്കാരം മലയാളിയായ എം ഹരികുമാറിനാണ്. നല്ല സിനിമാനിരൂപകനുള്ള പുരസ്കാരം പി എസ് രാധാകൃഷ്ണന് ലഭിച്ചു. പി കെ നായരെക്കുറിച്ചുള്ള ഡോക്യുമെന്ററി "സെല്ലുലോയ്ഡ് മാനി"ന് രണ്ടു പുരസ്കാരങ്ങളുണ്ട്.തനിച്ചല്ല ഞാന്‍ ദേശീയോദ്ഗ്രഥനചിത്രമായി. ലൊക്കേഷന്‍ സൗണ്ട് റെക്കോഡിങ്ങിന് അന്നയും റസൂലും അര്‍ഹമായി.
No comments:
Post a Comment