രാഹുലും മോഡിയും കോര്‍പറേറ്റ് കളിപ്പാവ: ഗുരുദാസ് ദാസ് ഗുപ്ത

 കോണ്‍ഗ്രസും ബിജെപിയും പ്രധാനമന്ത്രി സ്ഥാനാര്‍ഥികളായി ഉയര്‍ത്തിക്കാട്ടുന്ന രാഹുല്‍ഗാന്ധിയും നരേന്ദ്രമോഡിയും കോര്‍പറേറ്റുകളുടെ കളിപ്പാവകള്‍ മാത്രമാണെന്ന് എഐടിയുസി ജനറല്‍ സെക്രട്ടറി ഗുരുദാസ് ദാസ് ഗുപ്ത എംപി പറഞ്ഞു. തിരുവനന്തപുരം പ്രസ്ക്ലബ്ബില്‍ മീറ്റ് ദി പ്രസ് പരിപാടിയില്‍ സംസാരിക്കുകയായിരുന്നു അദ്ദേഹം.

കോണ്‍ഗ്രസും ബിജെപിയും പൂര്‍ണമായും കോര്‍പറേറ്റുകളുടെ നിയന്ത്രണത്തിലാണ്. തെരഞ്ഞെടുപ്പ് നടക്കുന്നതിനുമുമ്പുതന്നെ തങ്ങളുടെ ആധിപത്യം ഉറപ്പിക്കാനുള്ള ശ്രമത്തിലാണ് കോര്‍പറേറ്റുകള്‍. അതിന്റെ ഭാഗമായാണ് രാഹുല്‍ഗാന്ധിയെയും മോഡിയെയും വിളിച്ച് ചര്‍ച്ചകള്‍ സംഘടിപ്പിക്കുന്നത്. ഇടതുപക്ഷ പാര്‍ടികളെ സംബന്ധിച്ചിടത്തോളം വ്യക്തികളല്ല പ്രധാനം, നയങ്ങളാണ്. കോര്‍പറേറ്റുകളുടെ താല്‍പ്പര്യങ്ങള്‍ക്ക് വഴങ്ങുന്ന നവഉദാര നയങ്ങളെയും മതമൗലികവാദത്തെയും ചെറുത്തു തോല്‍പ്പിക്കണമെന്നതാണ് ഇടതുപക്ഷം പറയുന്നതെന്നും ദാസ് ഗുപ്ത പറഞ്ഞു.

deshabhimani 090413